Áhorfendur verða hlaðnir gjöfum í jólaþætti Gumma og Sóla

Jólaþáttur Gumma Ben og Sóla Hólm verður á dagskrá Stöðvar 2 sunnudaginn 22. desember. Að vanda mætir fjöldi góðra gesta í spjall en þetta verður þó enginn venjulegur þáttur. Þeir félagar verða í yfirgengilegu jólaskapi og munu hlaða gjöfum á áhorfendur í sal að virði margra milljóna.

„Þetta verður fyrsti gjafa-spjallþátturinn í sögu íslensks sjónvarps. Það fá allir í salnum flottar gjafir og sumir verða heppnari en aðrir,“ segir Sóli en innan um gjafaflóðið leynist meðal annars ævintýraleg utanlandsferð með Heimsferðum.

„Við ætlum einfaldlega að koma öllum í jólaskapið og lofum mikilli gleði og skemmtilegum þætti,“ bætir Gummi við. „Við fáum frábæra gesti, sumir koma í spjall og aðrir til að syngja. Það gæti brostið á söngur úr óvæntri átt og margt fleira,“ segir hann. Fyndnu innslögin verða á sínum stað, með jólalegu ívafi og öllu til tjaldað. „Við erum skemmtiþáttur og höldum því áfram en erum svona gjafmildir fyrir jólin. Þetta er nú í fyrsta skipti sem við erum með jólaþátt,“ segir Gummi. Er hann hin íslenska Oprah Winfrey, spjallþáttadrottningin sem þekkt er fyrir að trylla gesti sína með gjöfum?  „Ja, ég ætla nú ekki að fullyrða neitt um það, það vannst ekki tími til þess að græja bíl handa öllum,“ segir hann hlæjandi. „En við erum svakalega ánægðir með gjafirnar og frábærir samstarfsaðilar hjálpuðu okkur við að gera þetta vel. Ef við verðum svo heppnir að fá að vera með jólaþátt að ári er auðvitað draumurinn að bæta enn í.“

Langar þig að komast í salinn?

Á facebooksíðu Stöðvar 2 er í gangi leikur þar sem hægt er að skrá nafn sitt og mögulega tryggja sér 4 til 6 sæti í salnum. Yfir þrjú þúsund manns hafa þegar skráð sig til að freista gæfunnar, enda ógleymanleg kvöldstund framundan.

Meðal gjafa sem leynast í jólasveinapoka Gumma og Sóla er ferð með Heimsferðum til Marakesh þar sem gist verður á 5 stjörnu hóteli. Í pokanum leynist einnig þyrluflug með Norðurflugi og glæsilegar gjafir frá Body Shop, Borgarleikhúsinu, Ellingsen , Epal, Even labs, FlyOver Iceland, Forlaginu, Hagkaup, Íslandshóteli, Krauma, Meba, Sambíóum, Sýn og ZO-ON.

Jólaþátturinn er á dagskrá sunnudagskvöldið 22. desember.

Þessi kynning er unnin í samstarfi við Stöð 2.