Innlent

Lögreglan leitar að eiganda bílhurðar

Andri Eysteinsson skrifar
Hurðin umtalaða. Hana er nú að finna á lögreglustöðinni í Reykjanesbæ.
Hurðin umtalaða. Hana er nú að finna á lögreglustöðinni í Reykjanesbæ. Mynd/Lögreglan
Lögreglan á Suðurnesjum hefur nú í fórum sínum bílhurð og í færslu á Facebook-síðu Lögreglustjórans á Suðurnesjum hefur nú verið auglýst eftir réttmætum eiganda hurðarinnar.

Í færslunni segir að hurðin hafi krækst í flatvagn sem lagður í Grindavík. Litlar skemmdir eru á vagninum en leiða má líkur á að skemmdir bifreiðarinnar séu öllu meiri.

Lögreglan óskar í færslunni eftir vitnum að atburðinum sem varð til þess að bílhurðin flaug af og bendir eigandanum á að hurðina sé hægt að sækja á lögreglustöðina við Hringbraut í Reykjanesbæ.

Grindavík Lögreglumál Reykjanesbær

Mest lesið


Fleiri fréttir

Sjá meira


×

Mest lesið