Kastaði treyju Zeke í ruslið og gerði mömmuna reiða | Myndband

Íþróttafréttamaðurinn umdeildi Skip Bayless fór hamförum á Twitter meðan á leik Dallas Cowboys og Minnesota Vikings stóð. Það endaði með því að mamma hlaupara Dallas, Ezekiel Elliott, varð reið.

Bayless birti mynd af sér fyrir leikinn í treyju Zeke og sagðist hafa tröllatrú á því að þetta yrði hans kvöld.

Just a feeling: Tonight will be Zeke's Night. pic.twitter.com/aGhBnaFY8p

— Skip Bayless (@RealSkipBayless) November 11, 2019

Svo gat Zeke ekkert og Bayless sturlaðist. Fór að drulla yfir allt og alla og þá sérstaklega hlauparann. Sagði hann aðeins vera skuggann af sjálfum sér.

Morguninn eftir gekk hann alla leið og móðgaði marga með því að henda treyju Zeke í ruslið.

This was probably an overemotional, overreaction late last night. I just couldn't help myself. pic.twitter.com/u8i8c88pZd

— Skip Bayless (@RealSkipBayless) November 11, 2019

Dawn Elliott, móðir Zeke, kunni ekki að meta þessa takta í íþróttafréttamanninum og vill að fólk sýni betri mannasiði en þetta.

Hún sagðist vonast eftir því að hún sæi aldrei aftur mynd af Bayless í treyju sonarins. Hann hefur fengið viðvörun.

I certainly hope I don’t ever see @RealSkipBayless post another pic wearing my son’s jersey.  https://t.co/lxY9NizC9xpic.twitter.com/lSXJlhNdiY

— Momma, Mom & Mommy (@itz_mizdee) November 11, 2019