Lögregla á Suðurnesjum hafði í vikunni afskipti af ökumanni sem ók á 149 kílómetra hraða þar sem hámarkshraði er 90.
Í tilkynningu frá lögreglu segir að ökumannsins bíði sekt að upphæð 210 þúsund krónur svo og svipting ökuleyfis í mánuð.
„Nokkrir ökumenn til viðbótar voru kærðir fyrir hraðaakstur og fáeinir voru staðnir að því að virða ekki stöðvunarskyldu eða tala í síma án handfrjáls búnaðar,“ segir í tilkynningunni.
