Þórhildur og Hjalti selja glæsilega íbúð í Vesturbænum

Fréttakonan Þórhildur Þorkelsdóttir og Hjalti Harðarson, kærasti hennar, hafa sett íbúð sína á Sólvallagötu á sölu. Ásett verð er 49,9 milljónir.

Íbúðin er 85 fermetrar og er á annarri hæð. Í íbúðinni eru tvö svefnherbergi og endurnýjað baðherbergi og var hún parketlögð árið 2017.

Þórhildur og Hjalti hafa greinilega komið sér vel fyrir í Vesturbænum, en íbúðin er afar björt og smekklega innréttuð. Eignin er á vinsælum stað þar sem stutt er í þjónustu og verslun og miðbærinn í göngufæri.

Hér að neðan má sjá myndir af íbúðinni.