Alvarlegt umferðarslys varð á Borgarfjarðarbraut

Borgarfjarðarbraut hjá Grjóteyri er lokuð vegna umferðarslyss og má búast við að vegurinn verði lokaður næstu klukkustund eða svo, samkvæmt upplýsingum frá Lögreglunni á Vesturlandi.

Í samtali við Vísi staðfesti Gísli Björnsson, yfirmaður sjúkraflutninga hjá Heilbrigðisstofnun Vesturlands, að um mjög harðan árekstur hafi verið að ræða þar sem tveir bílar keyrðu beint framan á hvorn annan. Tveir voru fluttir með sjúkrabíl á Landspítalann og einn fluttur á heilsugæsluna á Borgarnesi.

Slysið átti sér stað á Borgarfjarðarbraut við Grjóteyrarhæð. Tilkynning barst um slysið um klukkan ellefu í dag og er enn unnið að því að hreinsa vettvang. Lögreglan bendir á hjáleið um Hvítárvallabrú.

Búið er að opna aftur fyrir umferð um Borgarfjarðarbraut hjá Grjóteyri. Vegurinn er því greiðfær að nýju.

Fréttin var síðast uppfærð klukkan 15:00.

 

Lokað: Borgarfjarðarbraut (50) er lokuð við Grjóteyri vegna umferðarslyss. Hjáleið fyrir minni ökutæki er um Hvítárvelli en stór ökutæki fari um Stafholtstungur að Baulu. #lokað #færðin

— Vegagerðin | Iceland Roads (@Vegagerdin) September 15, 2019