Væringar hjá HS Orku

Í gær var tilkynnt um starfslok Ásgeirs Margeirssonar í starfi forstjóra HS Orku. Ásgeir segir að starfslok sín tengist nýjum áherslum eigenda og hafi ekkert með málefni Hvalárvirkjunar að gera.

Samkvæmt heimildum Fréttablaðsins mun fjármálastjóri félagsins einnig láta af störfum. Sömu heimildir herma að tveir stjórnarmenn hafi sagt af sér í síðustu viku og hefur nýr stjórnarformaður verið skipaður.

HS Orka er í helmingseigu samlagshlutafélagsins Jarðvarma en eigendur þess félags eru fjórtán lífeyrissjóðir. Hinn helmingur HS Orku er í eigu félagsins Magma Energy Swed­en.