Nærri 100 látnir í Ind­landi vegna monsún storma

Minnst 95 eru látnir vegna monsún flóða í suður- og vesturhluta Indlands og hafa hundruð þúsunda þurft að flýja heimili sín. Frá þessu er greint á vef breska ríkisútvarpsins BBC.

Meira en fjörutíu þeirra látnu voru frá Kerala ríki í suðvesturhluta Indlands. Mörg svæði eru mjög einangruð vegna mikilla rigninga og aurskriða.

Yfirvöld hafa biðlað til þeirra sem hafa fundið fyrir hamförunum að leita upp í meiri hæð.

Monsúnvindar ríða yfir Indland ár hvert á sumrin, á milli júní- og septembermánaða. Þrátt fyrir mikilvægi þeirra til að fylla á minnkandi vatnsból valda þeir oft dauðsföllum og eyðileggingu á hverju einasta ári.

Talsmenn almannavarna sögðu meira en 100 þúsund manns frá Kerala hafa þurft að yfirgefa heimili sín og haldi nú til í neyðarbúðum en meira en 40 hafi látið lífið á svæðinu.

„Aurskriður hafa fallið á um 80 stöðum, vegna rigninga og flóða, sem við náum ekki til,“ sagði talsmaður lögreglunnar, Pramod Kumar, í samtali við fréttastofu AFP.

Áframhaldandi rigningum er spáð næstu daga og mun herinn því gera tilraunir til að koma matvælum til strandaðra aðila úr lofti.

Í fyrra dóu meira en 200 manns á Kerala svæðinu vegna flóðanna og var þeim lýst sem verstu flóða í ríkinu í meira en 100 ár.

Bæði Karnataka ríki og Maharashtra ríki hafa einnig fundið fyrir miklum rigningum og hafa nokkur dauðsföll verið tilkynnt og hundruð þúsunda hafa yfirgefið heimili sín.