Frábær hringur Guðmundar sem skaust á toppinn

Guðmundur Ágúst Kristjánson, úr Golfklúbbi Reykjavíkur, er efstur eftir þrjá hringi á Íslandsmótinu í golfi sem fer fram í Grafarholtinu um helgina.

Guðmundur lék frábært golf á fyrstu níu holunum. Hann fékk þar fimm fugla en þrír skollar og einn fugl fylgdi á síðari níu holunum.

Það skilaði honum þó í efsta sætið fyrir lokahringinn sem fer fram á morgun en hann er tveimur höggum á undan félaga sínum úr GR, Andra Björnssyni.

Andri er á þremur höggum undir pari og þriðji kylfingurinn úr herbúðum GR, Arnar Snær Hákonarson er í þriðja sætinu á tveimur höggum undir pari.

Fjórði og síðasti hringurinn fer fram á morgun.

Staða efstu kylfinga:

1. Guðmundur Ágúst Kristjánsson, GR 72-68-68 208 högg (-5)

2. Andri Þór Björnsson, GR 70-66-74 210 högg (-3)

3.-5. Arnar Snær Hákonarson, GR 74-68-69 211 högg (-2)

3.-5. Sigurður Arnar Garðarsson, GKG 73-71-67 211 högg (-2)

3.-5. Haraldur Franklín Magnús, GR 70-69-72 211 högg (-2)

6.-8. Ragnar Már Garðarsson, GKG 77-67-68 212 högg (-1)

6.-8. Ólafur Björn Loftsson, GKG 72-70-70 212 högg (-1)

6.-8. Böðvar Bragi Pálsson, GR 71-71-70 212 högg (-1)