Guðmundur fór ekki á taugum og tryggði sér Íslandsmeistaratitilinn

Guðmundur Ágúst Kristjánsson, úr Golfklúbbi Reykjavíkur, er Íslandsmeistari í golfi árið 2019 en hann spilaði samanlagt á níu höggum undir pari.

Guðmundur var með forystuna fyrir lokahringinn í dag en Rúnar Arnórsson og Haraldur Franklín Magnús settu pressu á Guðmund á lokahringnum.

Guðmundur Ágúst Kristjánsson, GR er Íslandsmeistari í golfi 2019. Til hamingju Guðmundur. Þetta er í fyrsta sinn sem Guðmundur Ágúst fagnar þessum titli. Þetta er í 23. sinn sem GR-ingur fagnar Íslandsmeistaratitlinum frá árinu 1942.  https://t.co/0InX8jfU6apic.twitter.com/O45HKpj0Kr

— Golfsamband Íslands (@Golfsamband) August 11, 2019

GR-ingurinn stóðst pressuna og rúmlega það á lokahringnum en hann spilaði í dag á fjórum höggum undir pari. Frábært golf hjá honum og verðskuldaður sigurvegari.

Í öðru sætinu voru Rúnar Arnórsson, Haraldur Franklín Magnús og Arnar Snær Hákonarson jafnir en þeir enduðu allir á fjórum höggum undir pari samanlagt.