Fyrrum leikmaður Southampton orðinn samherji Alberts hjá AZ

Jordy Clasie hefur skrifað undir fjögurra ára samning við hollenska félagið, AZ Alkmaar, þar sem hann verður samherji landsliðsmannsins Alberts Guðmundssonar.

Jordy er 28 ára gamall miðjumaður sem ólst upp hjá Feyenoord en þaðan fór hann til Southampton árið 2015. Á Englandi spilaði hann 38 leiki á sínum fyrstu tveimur tímabilum.

#WelkomJordypic.twitter.com/4YZr5K5kE3

— AZ (@AZAlkmaar) July 22, 2019

Fyrir tímabilið 2017/2018 var Clasie ekki lengur í myndinni hjá Southampton og hann var því lánaður til Club Brugge þar sem hann lék á lánssamningi alla leiktíðina.

Á síðasta ári lék hann svo með uppeldisfélaginu, Feyenoord, sem lentu í þriðja sætinu í Hollandi en AZ hefur nú tryggt sér þjónustu Clasie næstu fjögur árin eftir að liðin komust að samkomulagi um kaupverð.

Albert og félagar enduðu í fjórða sæti deildarinnar á síðustu leiktíð og tryggðu sér þáttökurétt í forkeppni Evrópudeildarinnar. Þeir mæta þeir Håcken í vikunni.

#Number 20#WelkomJordy#JC20pic.twitter.com/kp6JQAY5Fx

— AZ (@AZAlkmaar) July 22, 2019