Gana og Kamerún áfram í 16-liða úrslitin

Gana og Kamerún eru komin áfram í 16-liða úrslit Afríkukeppninnar eftir að síðasta umferðin í F-riðlinum var spiluð í dag.

Gana vann 2-0 sigur á Gínea-Bissá. Staðan var markalaus í hálfleik en Jordan Ayew, leikmaður Swansea, skoraði fyrsta markið á 46. mínútu.

Thomas Partey, leikmaður Atletico Madrid, skoraði svo annað mark átján mínútum fyrir leikslok og lokatölur 2-0.

Full Time

Guinea Bissau 0-2 Ghana

Cameroon 0-0 Benin #AFCON2019

— AFCON 2019 (@AFCON2019) July 2, 2019

Í hinum leik dagsins í F-riðlinum gerðu Benín og Kamerún markalaust jafntefli en jafnteflið dugir Kamerún áfram í 16-liða úrslitin.

Gana og Kamerún enda á toppi riðilsins með fimm stig, Benín er með þrjú stig í þriðja sæti og Gínea-Bissá er á botninum með eitt stig.