Atli: Þetta er bara aukaspyrna

Sigurmark KR gegn Valsmönnum í gær var frábært en aðdragandi marksins var umdeildur enda töldu margir að KR hefði aldrei átt að fá aukaspyrnuna sem liðið skoraði úr.

KR-ingurinn Atli Sigurjónsson féll þá utan teigs eftir að hafa lent utan í Valsaranum Eiði Aroni Sigurbjörnssyni. Atli var mættur í Pepsi Max-mörkin eftir leik til þess að ræða leikinn.

„Í momentinu er ég að keyra, sný mér svo við og fæ einhvern í bakið. Ég er að snúa hann af mér með hægri er hann keyrir í bakið á mér. Þetta er bara aukaspyrna og hárétt dæmt,“ sagði Atli sposkur.

Sérfræðingar Pepsi Max-markanna voru nú ekki alveg sammála Atla í því að þarna hefði átt að dæma. Sjá má atvikð og umræðuna hér að neðan.