Talaði Deschamps af sér?

Didier Deschamps, þjálfari franska landsliðsins, gæti hafa talað af sér á blaðamannafundi í vikunni en hann ræddi þá um bakvörðinn Ferland Mendy.

Mendy hefur reglulega verið orðaður við Real Madrid í sumarglugganum en þegar franski landsliðsþjálfarinn var spurður út í Mendy svaraði hann:

„Fyrir tveimur árum spilaði hann í 2. deildinni en nú er hann að fara spila fyrir Real Madrid,“ sagði Deschamps um bakvörðinn.

Real hefur ekki staðfest kaupin á Mendy þó hann hafi reglulega verið orðaður við þá. Orð Deschamps eru sögð sanna það að Mendy mun að endingu ganga í raðir Real í sumarglugganum.

Hann yrði þá fjórði leikmaðurinn sem Zinedine Zidane, stjóri Real, kaupir í sumar en nú þegar hafa þeir Eder Militao, Luka Jovic og Eden Hazard gengið í raðir Real.