Willian inn fyrir Neymar

Willian mun taka sæti Neymar í brasilíska landsliðinu í Suður-Ameríkukeppninni í fótbolta.

Neymar þurfti að draga sig úr hópnum í vikunni vegna meiðsla.

Willian verður kominn til liðsins fyrir vináttuleikinn gegn Hondúras á sunnudaginn en Suður-Ameríkukeppnin hefst næsta föstudag.

Þegar ljóst var að Neymar yrði ekki með kölluðu margir eftir því að Vinicius Junior eða Lucas Moura yrðu kallaðir inn í liðið en Willian varð fyrir valinu.

Willian á að baki 65 landsleiki fyrir Brasilíu.