Efling samþykkir nýjan kjarasamning: Skora á ríkisvaldið og SA að standa sína plikt Margrét Helga Erlingsdóttir skrifar 24. apríl 2019 10:16 Framkvæmdastjóri Eflingar er ánægður með að niðurstaða atkvæðagreiðslunnar hafi verið afgerandi. Kjarasamningur Eflingar við Samtök atvinnulífsins, sem undirritaður var 3. apríl, hefur verið samþykktur með miklum meirihluta félagsmanna í atkvæðagreiðslunni sem stóð yfir dagana 12.-23 apríl. Þátttaka í atkvæðagreiðslunni var þó heldur dræm eða um 10,16%. 77,07% þeirra sem greiddu atkvæði samþykktu samninginn en 20,59% þeirra höfnuðu honum. Þá tóku 2,34% félagsmanna á kjörskrá ekki afstöðu. Atkvæði voru bæði greidd rafrænt og á pappír utan kjörfundar að því er fram kemur í tilkynningu frá Eflingu. Viðar Þorsteinsson, framkvæmdastjóri Eflingar, er ánægður með niðurstöðuna. Hann segir í samtali við fréttastofu að um sé að ræða eindreginn stuðning við nýjan kjarasamning. „Við fögnum því að það hafi náðst í gegn. Ég held það sé allra hagur að þetta sé svona eindregin niðurstaða.“ Viðar les út úr niðurstöðu atkvæðagreiðslunnar að félagsmenn hafi tekið afstöðu með mjög afgerandi hætti.Nýr kjarasamningur var samþykktur með miklum meirihluta.Vísir/vilhelmMinnir á endurskoðunarákvæðið „Við minnum líka á það í ljósi umræðunnar síðustu daga - út af hótunum um verðhækkanir og fleira - að það er mjög sterkt endurskoðunarákvæði í samningnum sem getur komið til áhrifa strax í september á næsta ári eða eftir eitt og hálft ár og ég held að með svona öflugan stuðning verkafólks að baki samningnum þá reynir á að allir sýni raunveruleg heilindi gagnvart því að framfylgja þessum samningi og anda hans.“ Verkafólk hafi axlað mikla ábyrgð með því að hafa fallist á samning sem feli í sér litla launahækkun fyrsta árið. „Við auðvitað bara skorum á alla aðila og þá bæði Samtök atvinnulífsins og ríkisvaldið að raunverulega standa sína plikt og hafa það í huga að samningurinn er uppsegjanlegur verði skilyrðum ekki mætt.“ Inntur eftir viðbrögðum um dræma kjörsókn segir Viðar að það séu ýmsar getgátur uppi um skýringar þó erfitt sé að segja til um hvers vegna þátttaka í atkvæðagreiðslunni hafi einungis verið rúm tíu prósent. „Ég bendi á að þessi kjörskrá sem þarna er notast við er mjög stór. Það er notast við víðustu mögulegu skilgreiningu á því hverjir eru á henni. Þetta eru semsagt allir sem greiddu iðgjöld til okkar og voru í þeim störfum sem falla undir þennan samning í janúar og febrúar, algjörlega óháð því hvaða starfshlutfall er um að ræða og hversu lengi fólk hefur verið í starfi. Það er ekki verið að horfa til þess hvort þetta séu svokallaðir „fullgildir meðlimir“ það er að segja þeir sem hafa óskað eftir því að fá formlega inngöngu í félagið. Það gerir það að verkum að þetta verður mjög stór kjörskrá. Þarna er fólk sem kannski var að vinna einhverja tímabundna helgarvinnu með námi eða eitthvað slíkt.“ Hefðu viljað meiri þátttöku í atkvæðagreiðslu Engu að síður hefðu þau viljað sjá betri þátttöku í atkvæðagreiðslunni. Það sé hluti af langtímaáætlun Eflingar að auka virkni og vitund fólks um stéttarfélagsmál. „Við höfum þegar unnið mikið starf í því á síðasta ári og það er vinna sem heldur ótrauð áfram.“ Viðar tekur þó fram að hann telji forystu Eflingar hafa staðið sig vel í því að vekja athygli félagsmanna á samningnum. Allir félagsmenn Eflingar fengu kynningarbækling á íslensku, ensku og pólsku sendan heim í pósti auk þess sem nýr kjarasamningur var kynntur á opnum fjölsóttum fundum og á vinnustöðum. „Ég held að þeir sem raunverulega vildu láta í sér heyra með því að taka afstöðu fengu tækifæri til þess og hafa bara gefið upp sína afstöðu með mjög afgerandi hætti,“ segir Viðar sem mun rýna betur í tölurnar á næstu dögum. Kjaramál Mest lesið Taldi mann kominn til landsins til að vinna henni mein Innlent Þau þurfi að finna hvar þau eigi heima í veröldinni Innlent Samþykkti að hætta árásum á orkuinnviði Erlent Ríkisstjórnin láti í sér heyra eftir mannskæðar árásir Innlent Tveir bílar og hestakerra skullu saman við Selfoss Innlent Leigubílamarkaðurinn sé eins og „villta vestrið“ Innlent Ljósmóðir ákærð fyrir að framkvæma þungunarrof í Texas Erlent Sérsveitinni flogið til Bolungarvíkur Innlent Nafn mannsins sem lést í bílslysinu á Hrunavegi Innlent Brynjólfur Bjarnason er látinn Innlent Fleiri fréttir Aðeins eitt þungt ökutæki má vera á Ölfusárbrú í einu Handtóku einn til viðbótar Bæjarstjórnin vilji hefja uppbyggingu en ríkisstjórnin doka við Skiptar skoðanir um endurreisn í Grindavík, Úkraína heimsótt og nýr borgarstjóri Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur „Allt það besta og allt það versta“ sé í skólum landsins Samkeppniseftirlitið ætlar að skoða kvörtun verkalýðsfélaga Heiða Björg hættir sem formaður SÍS Menningarráðherra hvetur opinber fyrirtæki til að að bjóða upp á ensku Bein útsending frá Úkraínu, alvarlegar ásakanir og uppáhalds dagur Íra Nafn mannsins sem lést í bílslysinu á Hrunavegi Sjá meira
Kjarasamningur Eflingar við Samtök atvinnulífsins, sem undirritaður var 3. apríl, hefur verið samþykktur með miklum meirihluta félagsmanna í atkvæðagreiðslunni sem stóð yfir dagana 12.-23 apríl. Þátttaka í atkvæðagreiðslunni var þó heldur dræm eða um 10,16%. 77,07% þeirra sem greiddu atkvæði samþykktu samninginn en 20,59% þeirra höfnuðu honum. Þá tóku 2,34% félagsmanna á kjörskrá ekki afstöðu. Atkvæði voru bæði greidd rafrænt og á pappír utan kjörfundar að því er fram kemur í tilkynningu frá Eflingu. Viðar Þorsteinsson, framkvæmdastjóri Eflingar, er ánægður með niðurstöðuna. Hann segir í samtali við fréttastofu að um sé að ræða eindreginn stuðning við nýjan kjarasamning. „Við fögnum því að það hafi náðst í gegn. Ég held það sé allra hagur að þetta sé svona eindregin niðurstaða.“ Viðar les út úr niðurstöðu atkvæðagreiðslunnar að félagsmenn hafi tekið afstöðu með mjög afgerandi hætti.Nýr kjarasamningur var samþykktur með miklum meirihluta.Vísir/vilhelmMinnir á endurskoðunarákvæðið „Við minnum líka á það í ljósi umræðunnar síðustu daga - út af hótunum um verðhækkanir og fleira - að það er mjög sterkt endurskoðunarákvæði í samningnum sem getur komið til áhrifa strax í september á næsta ári eða eftir eitt og hálft ár og ég held að með svona öflugan stuðning verkafólks að baki samningnum þá reynir á að allir sýni raunveruleg heilindi gagnvart því að framfylgja þessum samningi og anda hans.“ Verkafólk hafi axlað mikla ábyrgð með því að hafa fallist á samning sem feli í sér litla launahækkun fyrsta árið. „Við auðvitað bara skorum á alla aðila og þá bæði Samtök atvinnulífsins og ríkisvaldið að raunverulega standa sína plikt og hafa það í huga að samningurinn er uppsegjanlegur verði skilyrðum ekki mætt.“ Inntur eftir viðbrögðum um dræma kjörsókn segir Viðar að það séu ýmsar getgátur uppi um skýringar þó erfitt sé að segja til um hvers vegna þátttaka í atkvæðagreiðslunni hafi einungis verið rúm tíu prósent. „Ég bendi á að þessi kjörskrá sem þarna er notast við er mjög stór. Það er notast við víðustu mögulegu skilgreiningu á því hverjir eru á henni. Þetta eru semsagt allir sem greiddu iðgjöld til okkar og voru í þeim störfum sem falla undir þennan samning í janúar og febrúar, algjörlega óháð því hvaða starfshlutfall er um að ræða og hversu lengi fólk hefur verið í starfi. Það er ekki verið að horfa til þess hvort þetta séu svokallaðir „fullgildir meðlimir“ það er að segja þeir sem hafa óskað eftir því að fá formlega inngöngu í félagið. Það gerir það að verkum að þetta verður mjög stór kjörskrá. Þarna er fólk sem kannski var að vinna einhverja tímabundna helgarvinnu með námi eða eitthvað slíkt.“ Hefðu viljað meiri þátttöku í atkvæðagreiðslu Engu að síður hefðu þau viljað sjá betri þátttöku í atkvæðagreiðslunni. Það sé hluti af langtímaáætlun Eflingar að auka virkni og vitund fólks um stéttarfélagsmál. „Við höfum þegar unnið mikið starf í því á síðasta ári og það er vinna sem heldur ótrauð áfram.“ Viðar tekur þó fram að hann telji forystu Eflingar hafa staðið sig vel í því að vekja athygli félagsmanna á samningnum. Allir félagsmenn Eflingar fengu kynningarbækling á íslensku, ensku og pólsku sendan heim í pósti auk þess sem nýr kjarasamningur var kynntur á opnum fjölsóttum fundum og á vinnustöðum. „Ég held að þeir sem raunverulega vildu láta í sér heyra með því að taka afstöðu fengu tækifæri til þess og hafa bara gefið upp sína afstöðu með mjög afgerandi hætti,“ segir Viðar sem mun rýna betur í tölurnar á næstu dögum.
Kjaramál Mest lesið Taldi mann kominn til landsins til að vinna henni mein Innlent Þau þurfi að finna hvar þau eigi heima í veröldinni Innlent Samþykkti að hætta árásum á orkuinnviði Erlent Ríkisstjórnin láti í sér heyra eftir mannskæðar árásir Innlent Tveir bílar og hestakerra skullu saman við Selfoss Innlent Leigubílamarkaðurinn sé eins og „villta vestrið“ Innlent Ljósmóðir ákærð fyrir að framkvæma þungunarrof í Texas Erlent Sérsveitinni flogið til Bolungarvíkur Innlent Nafn mannsins sem lést í bílslysinu á Hrunavegi Innlent Brynjólfur Bjarnason er látinn Innlent Fleiri fréttir Aðeins eitt þungt ökutæki má vera á Ölfusárbrú í einu Handtóku einn til viðbótar Bæjarstjórnin vilji hefja uppbyggingu en ríkisstjórnin doka við Skiptar skoðanir um endurreisn í Grindavík, Úkraína heimsótt og nýr borgarstjóri Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur „Allt það besta og allt það versta“ sé í skólum landsins Samkeppniseftirlitið ætlar að skoða kvörtun verkalýðsfélaga Heiða Björg hættir sem formaður SÍS Menningarráðherra hvetur opinber fyrirtæki til að að bjóða upp á ensku Bein útsending frá Úkraínu, alvarlegar ásakanir og uppáhalds dagur Íra Nafn mannsins sem lést í bílslysinu á Hrunavegi Sjá meira