Íslandsbanki lækkar vexti á húsnæðislánum

Íslandsbanki mun lækka fasta vexti húsnæðislána þann 15. apríl næstkomandi. Björn Berg Gunnarsson, fræðslustjóri Íslandsbanka, segir að lækkunina megi fyrst og fremst rekja til betra vaxtastigs í landinu. Fjármögnun bankans sé því orðin hagfelldari og það skili sér í lægri húsnæðislánavöxtum.

Íslandsbanki mun gera eftirfarandi breytingar á föstum vöxtum húsnæðislána:

Verðtryggð húsnæðislán

Fastir vextir í 5 ár

- A-lán voru 3,65% og verða 3,60%

Óverðtryggð húsnæðislán

Fastir vextir í 3 ár

- A-lán voru 6,95% og verða 6,80%

- B-lán voru 8,05% og verða 7,90%

Fastir vextir í 5 ár

- A-lán voru 7,40% og verða 7,10%

- B-lán voru 8,50% og verða 8,20%

Á vefsíðu Aurbjargar má nálgast samanburð á vaxtakjörum lánastofnana.