Sorphirðan í rugli í Eyjum

Á fundi framkvæmda- og hafnarráðs Vestmannaeyjabæjar á þriðjudag kemur fram að röskun hafi verið á sorphirðu í desember í bænum en áætlanir gera ráð fyrir að regla verði komin á sorphirðu í næstu viku.

Þá kom fram að ráðið lýsir yfir miklum vonbrigðum með að tafir hafi orðið á vinnu við tillögu að matsáætlun vegna umhverfismats sorpbrennslu.

Áætlað er að leggja tillöguna fram nú í janúar. Þegar tillagan hefur verið afgreidd þarf að vinna frummatsskýrslu sem fer til auglýsingar.

Í niðurstöðu ráðsins segir að vinna við mat á umhverfisáhrifum sorpbrennslu sé mjög tímafrek og muni tefja þær áætlanir sem Vestmannaeyjabær hafði um byggingu sorporkustöðvar.