Náði mynd­bandi af ofsa­akstri í Hval­fjarðar­göngum

Ljósmyndarinn Axel Rafn Benediktsson var á ferð í Hvalfjarðargöngunum í gær þegar hann náði myndbandi af bíl sem tók fram úr honum á miklum hraða.

Fyrst var greint frá málinu á vef Skagafrétta en Axel Rafn setti myndbandið á Youtube og deildi því á Facebook-síðu sinni.

Þar segir hann að honum hafi brugðið svo mikið við ofsaaksturinn að hann hélt að hann myndi skíta á sig.

 

„Svona á alls ekki að aka, sérstaklega í göngum. Það þarf svo lítið til að það verði hrikalegt slys þarna. Einn bíll getur grandað fleirrum en bara sjálfum sér,“ segir Axel Rafn en myndbandið má sjá hér fyrir neðan.