Kolsvört skýrsla um Braggann

Fátt jákvætt er að finna í skýrslu Innri endurskoðunar Reykjavíkurborgar (IER) um endurgerð Braggans við Nauthólsveg 100. Flest sem farið gat úrskeiðis fór úrskeiðis en í skýrslunni kemur fram að farið hafi verið á svig við lög og innkaupareglur auk þess sem eftirliti, verkferlum og ábyrgð hafi verið ábótavant.

Framúrkeyrsla Braggans hefur verið mikið rædd á árinu en raunkostnaður við byggingu hans nam 425 milljónum króna. Upphafleg kostnaðaráætlun var 158 milljónir króna. Borgarráð samþykkti 11. október að fela IER að vinna skýrslu um málið. Áður, árið 2015, hafði IER unnið úttekt á starfsemi skrifstofu eigna- og atvinnuþróunar (SEA), sem hafði yfirumsjón með framkvæmdinni, og skilað tugum tillagna um almennar úrbætur. Þeim hafði hins vegar ekki verið sinnt sem skyldi.

„Skipulag SEA hefur frá upphafi verið býsna laust í reipum, skrifstofunni var ætlað að vinna hratt að því að afla borginni tekjutækifæra og það hefur komið niður á skipulagi og innra eftirliti,“ segir í inngangi skýrslunnar. Þá er þess getið í skýrslunni að samskipti skrifstofustjóra SEA og borgarstjóra hafi alla tíð verið mikil en þrátt fyrir það hafi borgarstjóra ekki verið kunnugt um framvindu þessarar tilteknu framkvæmdar.

Úttekt IER leiddi í ljós að engir skriflegir samningar voru gerðir varðandi verkið að undanskildum leigusamningi við Háskólann í Reykjavík. Sá kveður á um 670 þúsund króna leigu á mánuði og að meðgjöf borgarinnar nemi 41 milljón á fjörutíu ára leigutíma. Sökum framúrkeyrslunnar mun meðgjöf borgarinnar verða rúmar 250 millj ónir og þyrfti leigan að vera tæplega þrefalt hærri til að núvirði verksins yrði jákvætt.

Þá var farið fram úr samþykktum fjárheimildum en slíkt er í andstöðu við ákvæði sveitarstjórnarlaga. Sem fyrr segir nemur kostnaður 425 milljónum sem er umfram þær 352 milljónir sem heimilaðar hafa verið. Hvergi var fylgst með því að verkið væri innan fjárheimilda. Þá voru engin skjöl um verkefnið í skjalavörslukerfi borgarinnar sem brýtur bæði gegn lögum um opinber skjalasöfn og skjalastefnu borgarinnar.

Til viðbótar má nefna að innkaupareglum borgarinnar var ekki fylgt og upplýsingagjöf frá SEA til borgarráðs og innkauparáðs var villandi og í sumum tilfellum hreinlega röng.

Þá var einn arkitekta breytinganna ráðinn verkefnisstjóri á byggingarstað og hafði hann það hlutverk að hafa eftirlit með verktökum og staðfesta reikninga. Slíkt þykir afar óheppilegt með tilliti til hagsmunaárekstra. Þá er vert að taka fram að upptalningin er fjarri því að vera tæmandi en í skýrslunni er að finna fjölda aðfinnslna til viðbótar.

Borgarstjóri ber ábyrgð

„Skýrslan er bæði ítarleg og fer yfir málið í heild sinni. Mér finnst niður stöður hennar vera afgerandi og býsna skýrar. Það er mjög víða sem við þurfum að huga að nauð synlegum um bótum,“ segir Dagur B. Eggertsson, borgarstjóri, og telur skýrsluna góðan grunn að byggja á til að koma í veg fyrir að mál eins og braggamálið endurtaki sig.

Spurður út í hans pólitísku ábyrgð kveðst hann vita skuld bera slíka sem æðsti yfir maður stjórnsýslunnar í borginni.

„Það er hins vegar hluti af þessu verk efni að upp lýsingum var ekki miðlað, hvorki til mín né borgar ráðs, og það er auð vitað ekki í lagi.“

Alvarlegar niðurstöður

„Við sjáum að það er bent á nokkra einstaklinga sem bera þarna sína ábyrgð,“ segir Hildur Björnsdóttir, borgarfulltrúi Sjálfsstæðisflokksins, og á þar við Hrólf Jónsson, fyrrverandi skrifstofustjóra skrifstofu eigna- og atvinnuþróunar, Stefán Eiríksson borgarritara og Dag B. Eggertsson borgarstjóra sem næsta yfirmann þeirra.

Hildur segir niðurstöðu skýrslunnar virkilega alvarlega þar sem verkferlar, innkaup og annað slíkt er annars vegar.

„Þarna kemur bara mjög skýrt fram að borgarráði hafi verið gefnar rangar og villandi upplýsingar og maður bara spyr sig í rauninni hvers vegna það hafi verið.“

Fljótt á litið virðist þó ekkert í skýrslunni kalla á að einhver axli pólitíska ábyrgð með afsögn.

 

„Ég kalla bara eftir því að fólk viðurkenni mistök sín og axli á þeim ábyrgð með því að reyna að læra af þeim og laga þær brotalamir í kerfinu sem þarna koma í ljós.“

Borgarstjóri segi af sér

„Seinni helmingur í braggamálinu er hafinn,“ segir Vigdís Hauksdóttir, borgarfulltrúi Miðflokksins, sem öðrum fremur hefur haldið áfram að tosa í lausa þræði braggamálsins og knúið það áfram innan borgarinnar með gagnrýni sinni og eftirgrennslan.

„Borgarstjóri verður að segja af sér, hann á enga undankomuleið. Borgarstjóri er framkvæmdastjóri Reykjavíkur og ber ábyrgð á öllum rekstri borgarinnar,“ segir Vigdís og segir það lítilmannlegt að skella skuldinni á Hrólf Jónsson, brottfarinn embættismann, þegar vitað sé að hann og Dagur áttu náið vinnusamband.

Vigdís kallar eftir tafarlausri óháðri rannsókn á málinu.