Vilja halda verðlaunahátíð Evrópsku kvikmyndaverðlaunanna

Íslenska ríkið og Reykjavíkurborg hafa formlega sótt um að fá að halda verðlaunahátíð Evrópsku kvikmyndaverðlaunanna árið 2020.

Reykjavík keppir við tvær aðrar borgir um að fá að halda hátíðina.

Það kemur síðan í ljós á fyrri hluta næsta árs hvort Reykjavík verði fyrir valinu. Um er að ræða stærstu kvikmyndaverðlaunahátíð Evrópu.

Gert er ráð fyrir að Harpa muni hýsa hátíðina og gæti kostnaðurinn við verðlaunahátíðina numið allt að 270 milljónum króna.