Spyr hvort umfjöllun SNL sé lögleg eftir miskunnarlaust atriði

Tryggvi Páll Tryggvason skrifar 17. desember 2018 10:45

Matt Damon brá sér í hlutverk Brett Kavanaugh um helgina. Mynd/Skjáskot

Svo virðist sem að síðasti þáttur bandaríska grínþáttarins Saturday Night Live hafi farið í taugarnar á Donald Trump, forseta Bandaríkjanna.

Upphafsatriði þáttar helgarinnar gerði miskunnarlaust grín að forsetanum sem í kjölfarið greip til varna á Twitter. Þar velti hann því fyrir sér hvort að umfjöllun þáttarins, sem og NBC, stæðist lög og hvort ekki væri rétt að að láta á það reyna fyrir dómstólum.

A REAL scandal is the one sided coverage, hour by hour, of networks like NBC & Democrat spin machines like Saturday Night Live. It is all nothing less than unfair news coverage and Dem commercials. Should be tested in courts, can’t be legal? Only defame & belittle! Collusion?

— Donald J. Trump (@realDonaldTrump) December 16, 2018

Í atriðinu, sem er átta mínútna langt og má sjá hér fyrir neðan, snýr Alec Baldwin enn og aftur í hlutverki Trump. Fær hann að sjá hvernig heimurinn myndi líta út hefði Trump aldrei verið kjörinn forseti. Robert de Niro, Ben Stiller og Matt Damon túlka Robert Mueller, Michael Cohen og Brett Kavanaugh í atriðinu.

Hefur líf þeirra, og annarra samstarfsmanna Trump, batnað til muna í heiminum sem Trump varð aldrei kjörinn forseti, líkt og sjá má í atriðinu hér fyrir neðan.

Donald Trump

Tengdar fréttir

Matt Damon lék reiðan og sáran Brett Kavanaugh

Líkt Kavanaugh var Damon nokkuð tilfinningaríkur í túlkun sinni.

30. september 2018 07:53

Robert de Niro mætti í SNL til að hrella syni Trump

Leikarar í bandaríska grínþættinum Saturday Night Live hafa gert óspart grín að Donald Trump, forseta Bandaríkjanna, á undanförnum árum. Í þætti helgarinnar var spjótunum beint að sonum hans tveimur, Eric Trump og Donald Trump jr.

9. desember 2018 19:13

Mest lesið

Fleiri fréttir

Tengdar fréttir

Mest lesið

Fleiri fréttir

Mest lesið

Tarot dagsins