Rektor HR segir hatur á grundvelli kyns ekki liðið innan skólans

Ari Kristinn Jónsson, rektor Háskólans í Reykjavík, hefur sent frá sér yfirlýsingu vegna máls Kristins Sigurjónssonar. Þar sem meðal annars segir að hatur á grundvelli kyns verði ekki liðið innan HR.

Kristinn Sigurjónsson, sem rekinn var frá starfi sínu sem kennari við tækni- og verkfræðideild HR. Mál hans hefur vakið mikla athygli en Jón Steinar Gunnlaugsson, lögmaður Kristins, hefur sent Ara Kristni bréf þar sem hann býður honum að draga uppsögnina til baka en mæta sér öðrum kosti í dómssal. Þó yfirlýsing rektors nú sé heldur óljós, inntak hennar er það að hann ætli ekki að tjá sig um málið við fjölmiðla, verður ekki betur séð en hann ætli ekki að draga uppsögnina til baka.

Yfirlýsing Ara Kristins er stutt en þar er tekið fram að vegna „fjölmiðlaumfjöllunar um starfslok lektors við tækni- og verkfræðideild Háskólans í Reykjavík skal ítrekað að stjórnendur háskólans tjá sig ekki um málefni eða starfslok einstakra starfsmanna.“

Þá segir í yfirlýsingunni, og verður ekki annað af þeim orðum ráðið en rektor hafi ekki í hyggju að endurráða Kristinn, heldur mæta Jóni Steinari í dómsal:

Eðlilegt er þó að taka fram að orðræða sem hvetur til mismununar eða haturs á grundvelli kyns, kynhneigðar, fötlunar eða kynþáttar er ekki liðin innan háskólans, enda þurfa allir sem nema og starfa innan veggja háskólans að geta treyst því að komið sé fram við þá af virðingu og að verk þeirra séu ætíð metin af sanngirni.

Ennfremur skal ítrekað að rektor, deildarforsetar og aðrir stjórnendur HR taka ákvarðanir og bera ábyrgð á ráðningum og starfslokum starfsmanna háskólans. Slíkar ákvarðanir byggja á faglegu mati á hagsmunum háskólans, nemenda og starfsmanna, þar sem horft er á heildarmynd, en ekki einstök atvik.“

 

Gengið út frá því að um hatursorðræðu sé að ræða

Þessi orð eru í takti við málflutning Dr. Bjarna Más Magnússonar dósents við lagadeild Háskólans í Reykjavík sem telur illt að kvenkyns nemendur við skólann eigi sitt undir námsmati Krisins en hann gerir því skóna að um hatursorðræðu sé að ræða:

„Ef háskólakennari hefur lýst yfir skoðunum (jafnvel ítrekað) sem hugsanlega má flokka sem hatursorðræðu í garð kvenna setur það ungar konur sem stunda nám í erfiða stöðu, enda eiga nemendur töluvert undir kennurum sínum. 

Í áðurnefndu bréfi Jóns Steinars, sem reyndar hefur starfað sem gestakennari í HR, er vísað sérstaklega til yfirlýsingar um forsendur og frelsi háskóla. Þetta er yfirlýsing sem á sínum tíma var undirrituð af öllum rektorum skóla á háskólastigi á Íslandi, eða 15. júní 2005. Yfirlýsinguna má sjá í heild sinni hér neðar. En, þar segir meðal annars:

„Sá sem nýtur akademísks frelsis getur leitað þekkingar og tjáð sannfæringu sína án þess að eiga á hættu að það bitni á starfsöryggi hans eða öðrum mikilvægum hagsmunum.“

Vísir fjallið ítarlega um þennan anga málsins í gærkvöldi og birti þá sameiginlega yfirlýsingu rektora í heild sinni.