Íslandsmótið í fótbolta karla klárast í dag þegar lokaumferðin fer fram. Hörður Magnússon og sérfræðingar Pepsimarkanna á Stöð 2 Sport gera tímabilið upp í kvöld.
Lokaþáttur Pepsimarkanna mun bæði gera upp síðustu umferðina sem og allt tímabilið í veglegum lokaþætti þar sem bestu leikmenn og þjáfari sumarsins verða verðlaunaðir.
Þátturinn verður í opinni dagskrá á Stöð 2 Sport og í beinni útsendingu hér á Vísi. Útsending hefst klukkan 19:15.
Leikir dagsins hefjast klukkan 14:00 og verða þeir allir í beinni textalýsingu hér á Vísi. Beinar útsendingar á rásum Stöð 2 Sport verða frá leik Stjörnunnar og FH sem og Vals og Keflavíkur.
Lokaþáttur Pepsimarkanna í opinni dagskrá og í beinni á Vísi
Fleiri fréttir
