Bæði börnin þín hefðu átt að deyja

Leonardo Bonucci, varnarmaður Juventus, tók því eðlilega ekki vel er ónefndur maður óskaði þess að börnin hans hefðu dáið.

Bonucci var talsvert frá leiktíðina 2016-17 því sonur hans, Matteo, var alvarlega veikur. Drengurinn braggaðist og hefur það gott í dag.

Á dögunum skrifaði maður eftirfarandi á Instagram-síðu hans: „Bæði börnin þín hefðu átt að deyja“. Bonucci lét slíkan viðbjóð ekki yfir sig ganga og svaraði manninum.

„Kannski búum við í betri heimi einn daginn. Ég vil halda börnunum mínum frá heimi þar sem fólk eins og þú býrð í. Ég mæli með því að þú eyðir aðgangi þínum hérna og hringir í einhvern til að fá aðstoð því að þú ert veikur,“ skrifaði Bonucci og bætti við.

„Það getur samt enginn lagað að þú ert einn viðbjóðslegur maður.“