Bergþór hefur aldrei verið í betra formi Elín Albertsdóttir skrifar 31. júlí 2018 08:01 Bergþór hefur tekið sig í gegn með góðum árangri. Hér er hann í æfingum á Stöðvarfirði. BALTASTAR BREKI SAMPER Bergþór Pálsson söngvari fékk ákveðna uppljómun þegar hann tók þátt í Allir geta dansað á Stöð 2 í vetur. Hann missti 13 kíló sem varð til þess að hann ákvað að taka sig í gegn, bæði andlega og líkamlega. Bergþór lætur sér ekki nægja að stunda líkamsrækt undir styrkri stjórn Arnars Grant en þeir kynntust í dansþáttunum. Hann ákvað að styrkja hugann með jákvæðni að leiðarljósi sem hefur gjörbreytt andlegri líðan hans. Bergþór gaf út myndband á Youtube fyrir stuttu þar sem hann sýnir hversu einfalt það er að breyta huganum og gefast ekki upp. „Ég hef aldrei verið fyrir líkamsrækt. Fannst hún ekki áhugaverð,“ segir Bergþór sem var staddur á Þorgrímsstöðum í Breiðdal þegar við náðum í hann. Þar starfar eiginmaður hans, Albert Eiríksson, á glæsilegu hóteli. Bergþór var hins vegar að syngja í brúðkaupi á laugardag og á leið á Seyðisfjörð þar sem hann verður með tónleika með Diddú á morgun.Í sigurstöðu á hverjum morgni Þegar við náðum tali af Bergþóri snemma morguns var hann búinn að fara út í náttúruna og gera morgunæfingar. „Nýi lífsstíllinn minn gengur út á að halda sömu rútínu dag hvern. Ég held að rútínan sé vanmetinn. Fólk er auðvitað misjafnt en ég hef alltaf verið frekar sveigjanlegur í öllu. Hugsa með mér að ég geti alveg gert hlutina seinna ef ég get ekki gert þá strax. Núna fer ég í svokallaða sigurstöðu klukkan átta á hverjum morgni. Við þetta stend ég og það er engin undantekning leyfð. Morgunrútínan mín er einföld en gerir mér ótrúlega gott. Ég hugsa til dæmis um hvað það er sem ég get verið þakklátur fyrir og hverju ég geti verið stoltur af. Hormónaflæðið brýst fram og framkallar sjálfstraust. Það er makalaus galdur hvernig þetta virkar. Maður kemur inn brosandi út að eyrum og smitar aðra viðstadda. Þetta er ótrúlega orkugefandi,“ útskýrir hann.Bergþór, sem er sextugur, hefur ákveðið að eldast vel og hefur breytt mataræði og lífsstílsvenjum.BALTASAR BREKI SAMPERÞegar Bergþór er í borginni fer hann á Arnarhól og setur sig í sigurstöðu þar. Fólk hefur komið og hugleitt með honum. „Það er vel hægt að gera þetta inni í stofu eða hvar sem er. Þetta tekur bara tvær mínútur. Svo er ágætt að dansa í framhaldinu í tvær mínútur með músik í eyrunum. Ég lærði þetta á mjög merkilegu námskeiði hjá Bjarti Guðmundssyni sem nefnist Óstöðvandi í topp tilfinningalegu ástandi. Bjartur er sérfræðingur en hann fer yfir margar aðferðir á námskeiðinu. Fyrst fannst mér þetta hálf hallærislegt, jafnvel bjánalegt en svo breyttist sú hugsun, þegar ég sá að þetta svínvirkaði, þótt það væri einfalt og tæki enga stund.“ „Ef maður stýrir hugsuninni og virkjar hana tilfinningalega þá líður manni dásamlega vel. Jákvæðnin brýst fram og maður verður ósjálfrátt hamingjusamur,“ segir Bergþór. „Maður lærir að örva taugakerfið með líkamanum til að komast í sama topp tilfinningalegt ástand, eins og þegar maður hefur borið sigur úr býtum í einhverju, eða eins og þegar maður er ástfanginn. Þessa orku tekur maður inn í daginn og veröldin byrjar hreinlega að brosa á móti manni. Ég held að þjóðin ætti öll að fara á námskeið hjá Bjarti. Þjóðlífið myndi dafna og blómstra ef við nýttum okkur jákvæða hugarorku. Ég nýti jákvæðnina í líkamsræktinni sem mér hefur alltaf þótt svo leiðinleg, en þessi virkjun hugans hefur áhrif á öllum sviðum lífsins á jákvæðan hátt.“Það er ekkert verið að slóra þótt menn bregði sér af bæ. Bergþór var á Stöðvarfirði um helgina að syngja í brúðkaupi og tók nokkrar æfingar í leiðinni.Sjálfsagi og styrking Bergþór er eiginlega þekktur fyrir að vera jákvæður og brosmildur. Hann var því spurður hvers vegna hann hefði þurft á svona námskeiði að halda? „Maður kemur sér auðvitað í ákveðinn gír á sviði og það er auðvelt að grípa orku fyrir framan fullt af fólki. En til að hafa aga á sjálfum sér þarf maður pressu. Það er enginn að skipa mér að fara í líkamsrækt og því þarf ég sjálfur að pressa á mig. Ég grenntist mikið í dansinum en þegar það gerist svona hratt vill húðin verða slöpp. Mér fannst ég þurfa að styrkja húðina og Arnar Grant bauðst til að hjálpa mér. Fyrst ætlaði ég að styrkja bakið eftir slæmt þursabit en síðan vatt þetta upp á sig. Ég hef aldrei á ævinni verið í betra formi en núna,“ segir Bergþór sem er sextugur. „Það er aldrei of seint að byrja. Hreyfing er besta leiðin til að vinna gegn öldrun og sjúkdómum tengda ellinni. Lífið er núna og maður á að njóta þess.“ Bergþór segist hreyfa sig á hverjum degi og virkjar hugann að auki hvern morgun. „Almenn líðan verður svo miklu betri. Maður gengur inn í daginn með bros á vör og fær það margfalt til baka frá öllum í kringum sig. Ég hef líka tekið mataræðið í gegn. Arnar bannar mér að borða unnar matvörur, hveiti og sykur. Mér hefur ekki fundist það erfitt þótt ég hafi verið brauð- og súkkulaðifíkill,“ segir hann. „Ég má þó stundum hafa einn nammidag.“Það má vel fagna þegar maður hefur sett sér markmið og staðið við þau.Faðir Bergþórs, Páll Bergþórsson veðurfræðingur, er 95 ára. Hann hefur sömuleiðis tamið sér hollt mataræði og hreyfingu. „Pabbi byrjaði í líkamsrækt þegar hann var níræður og fer í göngur á hverjum degi. „Vonandi eldist ég eins og hann.“Flott myndband Bergþór gaf út myndbandið vegna þess að hann langaði til að sýna fólki hvað einfaldar æfingar geta gert fyrir mann. „Með því að virkja hugann á jákvæðan hátt getur maður allt í einu gert hluti sem áður þóttu ómögulegir. Maður fær aukna trú á sjálfan sig. Ég fór meira að segja í sjósund í sumar þegar frænka mín skoraði á mig. Ég er lofthræddasti maður landsins en er farinn að velta fyrir mér fallhlífarstökki,“ segir Bergþór og bætir við. „Meira að segja veðrið hefur verið ferskt og dásamlegt í sumar. Lífið verður svo miklu skemmtilegra með jákvæðnina að leiðarljósi.“ Allir geta dansað Birtist í Fréttablaðinu Heilsa Mest lesið „Ég kalla mig alltaf flugfreyju þó að ég sé strákur“ Lífið Hefur miklar áhyggjur af auknum vopnaburði barna Lífið Tíu skref í átt að nýju starti í svefnherberginu Lífið „Þetta var ekki alið upp í mér“ Lífið Bitin Bachelor stjarna Lífið Svara auknum fordómum og fáfræði með jákvæðni og list Lífið Brúnkukremið frá Bondi Sands getur framkallað töfra Lífið samstarf Grunaði ekki að fíflalætin myndu ferðast svona víða Lífið Assassins Creed Shadows: Ekki þessi ömurlegi leikur sem netið lofaði Leikjavísir Sneri við lífinu eftir skyndilegt fráfall frænda í djammferð erlendis Lífið Fleiri fréttir Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Unnur og Travis orðin tveggja barna foreldrar Sneri við lífinu eftir skyndilegt fráfall frænda í djammferð erlendis Grunaði ekki að fíflalætin myndu ferðast svona víða Tveggja milljóna króna nefaðgerð í Tyrklandi Hætt við brúðkaupið og allt í baklás Þjálfaðar til að svara spurningum frá hjartanu Lét papparassa heyra það Vann Eddu og auglýsti eftir kærasta Vorboðar láta sjá sig „Átt ekki að falla af því að þú skilur ekki spurninguna“ Walliams furðar sig á vinsældum eigin frasa á Íslandi Spöruðu hálfa milljón á mánuði og stefna á íbúðarkaup Kransakaka Jóa Fel án kökuforms Gerðu upp gamlan banka í dönsku krúttþorpi Prinsessan í sínu fyrsta hlutverki með Höllu Lærði fyrstu hundrað tölurnar í pi í sóttkví Klara og félagar í uppreisn gegn „femínistaþreytunni“ Fær nánast alltaf fullnægingu með rúnki en sjaldnar í kynlífi Gossip girl stjarna orðinn faðir „Verulegar fjárhæðir“ fyrir snemmbúinn helgan stein Tipsý bar valinn besti barinn í Reykjavík Sjá meira
Bergþór Pálsson söngvari fékk ákveðna uppljómun þegar hann tók þátt í Allir geta dansað á Stöð 2 í vetur. Hann missti 13 kíló sem varð til þess að hann ákvað að taka sig í gegn, bæði andlega og líkamlega. Bergþór lætur sér ekki nægja að stunda líkamsrækt undir styrkri stjórn Arnars Grant en þeir kynntust í dansþáttunum. Hann ákvað að styrkja hugann með jákvæðni að leiðarljósi sem hefur gjörbreytt andlegri líðan hans. Bergþór gaf út myndband á Youtube fyrir stuttu þar sem hann sýnir hversu einfalt það er að breyta huganum og gefast ekki upp. „Ég hef aldrei verið fyrir líkamsrækt. Fannst hún ekki áhugaverð,“ segir Bergþór sem var staddur á Þorgrímsstöðum í Breiðdal þegar við náðum í hann. Þar starfar eiginmaður hans, Albert Eiríksson, á glæsilegu hóteli. Bergþór var hins vegar að syngja í brúðkaupi á laugardag og á leið á Seyðisfjörð þar sem hann verður með tónleika með Diddú á morgun.Í sigurstöðu á hverjum morgni Þegar við náðum tali af Bergþóri snemma morguns var hann búinn að fara út í náttúruna og gera morgunæfingar. „Nýi lífsstíllinn minn gengur út á að halda sömu rútínu dag hvern. Ég held að rútínan sé vanmetinn. Fólk er auðvitað misjafnt en ég hef alltaf verið frekar sveigjanlegur í öllu. Hugsa með mér að ég geti alveg gert hlutina seinna ef ég get ekki gert þá strax. Núna fer ég í svokallaða sigurstöðu klukkan átta á hverjum morgni. Við þetta stend ég og það er engin undantekning leyfð. Morgunrútínan mín er einföld en gerir mér ótrúlega gott. Ég hugsa til dæmis um hvað það er sem ég get verið þakklátur fyrir og hverju ég geti verið stoltur af. Hormónaflæðið brýst fram og framkallar sjálfstraust. Það er makalaus galdur hvernig þetta virkar. Maður kemur inn brosandi út að eyrum og smitar aðra viðstadda. Þetta er ótrúlega orkugefandi,“ útskýrir hann.Bergþór, sem er sextugur, hefur ákveðið að eldast vel og hefur breytt mataræði og lífsstílsvenjum.BALTASAR BREKI SAMPERÞegar Bergþór er í borginni fer hann á Arnarhól og setur sig í sigurstöðu þar. Fólk hefur komið og hugleitt með honum. „Það er vel hægt að gera þetta inni í stofu eða hvar sem er. Þetta tekur bara tvær mínútur. Svo er ágætt að dansa í framhaldinu í tvær mínútur með músik í eyrunum. Ég lærði þetta á mjög merkilegu námskeiði hjá Bjarti Guðmundssyni sem nefnist Óstöðvandi í topp tilfinningalegu ástandi. Bjartur er sérfræðingur en hann fer yfir margar aðferðir á námskeiðinu. Fyrst fannst mér þetta hálf hallærislegt, jafnvel bjánalegt en svo breyttist sú hugsun, þegar ég sá að þetta svínvirkaði, þótt það væri einfalt og tæki enga stund.“ „Ef maður stýrir hugsuninni og virkjar hana tilfinningalega þá líður manni dásamlega vel. Jákvæðnin brýst fram og maður verður ósjálfrátt hamingjusamur,“ segir Bergþór. „Maður lærir að örva taugakerfið með líkamanum til að komast í sama topp tilfinningalegt ástand, eins og þegar maður hefur borið sigur úr býtum í einhverju, eða eins og þegar maður er ástfanginn. Þessa orku tekur maður inn í daginn og veröldin byrjar hreinlega að brosa á móti manni. Ég held að þjóðin ætti öll að fara á námskeið hjá Bjarti. Þjóðlífið myndi dafna og blómstra ef við nýttum okkur jákvæða hugarorku. Ég nýti jákvæðnina í líkamsræktinni sem mér hefur alltaf þótt svo leiðinleg, en þessi virkjun hugans hefur áhrif á öllum sviðum lífsins á jákvæðan hátt.“Það er ekkert verið að slóra þótt menn bregði sér af bæ. Bergþór var á Stöðvarfirði um helgina að syngja í brúðkaupi og tók nokkrar æfingar í leiðinni.Sjálfsagi og styrking Bergþór er eiginlega þekktur fyrir að vera jákvæður og brosmildur. Hann var því spurður hvers vegna hann hefði þurft á svona námskeiði að halda? „Maður kemur sér auðvitað í ákveðinn gír á sviði og það er auðvelt að grípa orku fyrir framan fullt af fólki. En til að hafa aga á sjálfum sér þarf maður pressu. Það er enginn að skipa mér að fara í líkamsrækt og því þarf ég sjálfur að pressa á mig. Ég grenntist mikið í dansinum en þegar það gerist svona hratt vill húðin verða slöpp. Mér fannst ég þurfa að styrkja húðina og Arnar Grant bauðst til að hjálpa mér. Fyrst ætlaði ég að styrkja bakið eftir slæmt þursabit en síðan vatt þetta upp á sig. Ég hef aldrei á ævinni verið í betra formi en núna,“ segir Bergþór sem er sextugur. „Það er aldrei of seint að byrja. Hreyfing er besta leiðin til að vinna gegn öldrun og sjúkdómum tengda ellinni. Lífið er núna og maður á að njóta þess.“ Bergþór segist hreyfa sig á hverjum degi og virkjar hugann að auki hvern morgun. „Almenn líðan verður svo miklu betri. Maður gengur inn í daginn með bros á vör og fær það margfalt til baka frá öllum í kringum sig. Ég hef líka tekið mataræðið í gegn. Arnar bannar mér að borða unnar matvörur, hveiti og sykur. Mér hefur ekki fundist það erfitt þótt ég hafi verið brauð- og súkkulaðifíkill,“ segir hann. „Ég má þó stundum hafa einn nammidag.“Það má vel fagna þegar maður hefur sett sér markmið og staðið við þau.Faðir Bergþórs, Páll Bergþórsson veðurfræðingur, er 95 ára. Hann hefur sömuleiðis tamið sér hollt mataræði og hreyfingu. „Pabbi byrjaði í líkamsrækt þegar hann var níræður og fer í göngur á hverjum degi. „Vonandi eldist ég eins og hann.“Flott myndband Bergþór gaf út myndbandið vegna þess að hann langaði til að sýna fólki hvað einfaldar æfingar geta gert fyrir mann. „Með því að virkja hugann á jákvæðan hátt getur maður allt í einu gert hluti sem áður þóttu ómögulegir. Maður fær aukna trú á sjálfan sig. Ég fór meira að segja í sjósund í sumar þegar frænka mín skoraði á mig. Ég er lofthræddasti maður landsins en er farinn að velta fyrir mér fallhlífarstökki,“ segir Bergþór og bætir við. „Meira að segja veðrið hefur verið ferskt og dásamlegt í sumar. Lífið verður svo miklu skemmtilegra með jákvæðnina að leiðarljósi.“
Allir geta dansað Birtist í Fréttablaðinu Heilsa Mest lesið „Ég kalla mig alltaf flugfreyju þó að ég sé strákur“ Lífið Hefur miklar áhyggjur af auknum vopnaburði barna Lífið Tíu skref í átt að nýju starti í svefnherberginu Lífið „Þetta var ekki alið upp í mér“ Lífið Bitin Bachelor stjarna Lífið Svara auknum fordómum og fáfræði með jákvæðni og list Lífið Brúnkukremið frá Bondi Sands getur framkallað töfra Lífið samstarf Grunaði ekki að fíflalætin myndu ferðast svona víða Lífið Assassins Creed Shadows: Ekki þessi ömurlegi leikur sem netið lofaði Leikjavísir Sneri við lífinu eftir skyndilegt fráfall frænda í djammferð erlendis Lífið Fleiri fréttir Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Unnur og Travis orðin tveggja barna foreldrar Sneri við lífinu eftir skyndilegt fráfall frænda í djammferð erlendis Grunaði ekki að fíflalætin myndu ferðast svona víða Tveggja milljóna króna nefaðgerð í Tyrklandi Hætt við brúðkaupið og allt í baklás Þjálfaðar til að svara spurningum frá hjartanu Lét papparassa heyra það Vann Eddu og auglýsti eftir kærasta Vorboðar láta sjá sig „Átt ekki að falla af því að þú skilur ekki spurninguna“ Walliams furðar sig á vinsældum eigin frasa á Íslandi Spöruðu hálfa milljón á mánuði og stefna á íbúðarkaup Kransakaka Jóa Fel án kökuforms Gerðu upp gamlan banka í dönsku krúttþorpi Prinsessan í sínu fyrsta hlutverki með Höllu Lærði fyrstu hundrað tölurnar í pi í sóttkví Klara og félagar í uppreisn gegn „femínistaþreytunni“ Fær nánast alltaf fullnægingu með rúnki en sjaldnar í kynlífi Gossip girl stjarna orðinn faðir „Verulegar fjárhæðir“ fyrir snemmbúinn helgan stein Tipsý bar valinn besti barinn í Reykjavík Sjá meira