Donald Trump mætti óboðinn í brúðkaup

Bandaríkjaforsetinn Donald Trump mætti óvænt í brúkaup sem haldið var í veislusal golfvallar hans í Bedminster Township í New Jersey ríki á föstudaginn.

Þetta er ekki í fyrsta skipti sem forsetinn lætur sjá sig í brúðkaupi sem haldið er í golfklúbbi hans. Samkvæmt slúðurmiðlinum TMZ kemur fram í auglýsingabæklingi klúbbsins að ef Trump sé á svæðinu á stóra deginum, þá mun hann líklega stoppa og óska hjónunum til hamingju, hann gæti líka mögulega tekið myndir með hjónunum.

Nýbökuðu hjónin Jenna Buchholtz og Gerald Papa voru ánægð með mætingu forsetans, eins og sést á myndbandi sem TMZ birtir á síðu sinni.