Hannes: Besti möguleikinn fyrir mig til að spila í Meistaradeildinni Óskar Ófeigur Jónsson skrifar 4. júlí 2018 10:00 Landsliðsmarkvörðurinn Hannes Þór Halldórsson er búinn að semja við lið Qarabag frá Aserbaídsjan og dreymir nú um að fá að spila í Meistaradeildinni með félaginu. Frammistaða Hannesar á HM í Rússlandi, þar sem hann varði meðal annars vítaspyrnu frá Lionel Messi, opnaði augu manna hjá aserska félaginu og þeir buðu Hannes samning. Hannes var í viðtali í Bítinu á Bylgjunni í morgun þar sem hann ræddi þessa stóru ákvörðun sína að semja við lið í fjarlægu landi. „Nýtt lið og nýtt ævintýri. Þetta verður eitthvað,“ sagði Hannes Þór Halldórsson í viðtalinu í Bítinu í morgun en hvernig kom þetta til? „Eins og gengur og gerist í þessum fótboltaheimi þá er einhver látinn vita af því þegar lið hefur áhuga á manni. Svo tala menn saman og þetta fer fram og til baka. Á endanum kemur í ljós að það sé alvara í þessu og þá fer maður að skoða þetta. Því meira sem ég skoðaði þetta því betur leist okkur á þetta,“ sagði Hannes sem á eiginkonu og tvö börn. Hann er því að taka upp alla fjölskylduna sem var búin að koma sér vel fyrir í Danmörku.Hannes Þór Halldórsson fagnar á HM.Vísir/GettyVar erfið ákvörðun „Þetta er erfið ákvörðun að taka því okkur líður vel þar sem við erum og við höfum það mjög gott. Það eru margir plúsar í þessu. Þetta er besta liðið í landinu og er búið að vinna titilinn fimm ár í röð,“ sagði Hannes og hélt áfram. „Liðið var í Meistaradeildinni í fyrra og að spila í Meistaradeildinni er einn af þessum draumum sem maður hefur og ég væri til í að haka við á þessum fótboltaferli. Ég held að þetta sé minn besti möguleiki ef ég á að spila einhvern tímann í Meistaradeildinni,“ sagði Hannes. „Þetta er flott lið sem sló út FC Kaupmannahöfn í fyrra. Ég held að ég sé að fara upplifa umgjörð og annað slíkt á öðru stigi heldur en ég hef áður kynnst. Fótboltalega séð þá er þetta virkilega spennandi en þá þarf að skoða aðstæður, borgina og landið því ég er með fjölskyldu og börn,“ sagði Hannes og það gerði hann með konunni sinni. „Við fórum vel í gegnum þann pakka en allir sem maður spurði töluðu virkilega vel um þessa borg. Útlendingunum í Bakú líður rosalega vel þarna og vilja helst ekki fara. Hvar sem maður kemur niður fæti þá gefa allir þessu toppeinkunn. Við ákváðum að þetta væri nógu spennandi til þess að prófa þetta,“ sagði Hannes.Hannes Þór Halldórsson ver vítið frá Lionel Messi.Vísir/GettyLið sem lifir svolítið fyrir þessi Evrópukvöld Liðið hafði samband við Hannes eftir heimsmeistarakeppnina en verður Hannes aðalmarkvöður liðsins? „Eigum við ekki að reikna með því. Ég held að það sé pælingin,“ sagði Hannes í léttum tón. „Þetta er lið sem hefur dóminerað fótboltinn í landinu síðustu ár og hefur náð að skapa sér nafn í Evrópufótboltanum líka. Þegar þú ert einu sinni búinn að komast inn í Meistaradeildina þá auðveldar það þér að komast þangað aftur. Nú er liðið búið að vera þrisvar eða fjórum sinnum í Evrópudeildinni og svo í Meistaradeildinni í fyrra en auðvitað getur allt gerst,“ sagði Hannes. „Það var mikið afrek fyrir þetta félag að komast í Meistaradeildina en það er allavega búið að gerast einu sinni og það er von til þess að það gerist aftur. Þetta er lið sem lifir svolítið fyrir þessi Evrópukvöld. Það koma færri á deildarleikina en síðan koma 60 til 70 þúsund manns á Evrópukvöldin á Þjóðarleikvanginum og þar er svakalega stemmning,“ sagði Hannes „Fótboltalega séð er þetta virkilega spennandi og svo fyrir utan völlinn er þetta bara ævintýri. Við munum búa í borg þar sem er alltaf gott veður og búum á nýjum og framandi stað. Mér skilst samt að þessi borg sé mjög alþjóðlega og vestræn. Það á ekki að fara illa um okkur þarna,“ sagði Hannes.Hannes Þór Halldórsson.Vísir/GettyEinn í Aserbaídsjan fyrsta mánuðinn Hannes er enn að glíma við meiðsli sem hann varð fyrir á heimsmeistaramótinu í Rússlandi. Hannes spilar því ekki næsta leik liðsins en hann vonast til að spila sinn fyrsta leik með Qarabag eftir tvær vikur. „Deildin byrjar einhvern tímann í ágúst en þetta er bara að skella á með undankeppninni fyrir Meistaradeildina. Það er bara leikur í næstu viku. Ég get ekki spilað hann því ég er enn að kljást við smá meiðsli síðan á heimsmeistaramótinu. Það er vonir til að ég geti spilað leikinn eftir tvær vikur,“ sagði Hannes en hvað er næst á dagskrá? „Ég er á leiðinni til Íslands núna þar sem við höfum nokkra daga. Við förum síðan til Danmerkur og pökkum. Svo verð ég bara farinn eftir viku. Fjölskyldan verður aðeins lengur í Danmörku en þau ætla að koma í byrjun ágúst,“ sagði Hannes. Það má hlusta á allt viðtalið í spilaranum hér fyrir ofan.Vísir/GettyHannes Þór Halldórsson fagnar á HM. Ljósmyndararnir safnast í kringum hann.Vísir/Getty HM 2018 í Rússlandi Meistaradeild Evrópu Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Fleiri fréttir Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Stjarnan - FH 3-4 | FH endurheimti annað sætið Sjá meira
Landsliðsmarkvörðurinn Hannes Þór Halldórsson er búinn að semja við lið Qarabag frá Aserbaídsjan og dreymir nú um að fá að spila í Meistaradeildinni með félaginu. Frammistaða Hannesar á HM í Rússlandi, þar sem hann varði meðal annars vítaspyrnu frá Lionel Messi, opnaði augu manna hjá aserska félaginu og þeir buðu Hannes samning. Hannes var í viðtali í Bítinu á Bylgjunni í morgun þar sem hann ræddi þessa stóru ákvörðun sína að semja við lið í fjarlægu landi. „Nýtt lið og nýtt ævintýri. Þetta verður eitthvað,“ sagði Hannes Þór Halldórsson í viðtalinu í Bítinu í morgun en hvernig kom þetta til? „Eins og gengur og gerist í þessum fótboltaheimi þá er einhver látinn vita af því þegar lið hefur áhuga á manni. Svo tala menn saman og þetta fer fram og til baka. Á endanum kemur í ljós að það sé alvara í þessu og þá fer maður að skoða þetta. Því meira sem ég skoðaði þetta því betur leist okkur á þetta,“ sagði Hannes sem á eiginkonu og tvö börn. Hann er því að taka upp alla fjölskylduna sem var búin að koma sér vel fyrir í Danmörku.Hannes Þór Halldórsson fagnar á HM.Vísir/GettyVar erfið ákvörðun „Þetta er erfið ákvörðun að taka því okkur líður vel þar sem við erum og við höfum það mjög gott. Það eru margir plúsar í þessu. Þetta er besta liðið í landinu og er búið að vinna titilinn fimm ár í röð,“ sagði Hannes og hélt áfram. „Liðið var í Meistaradeildinni í fyrra og að spila í Meistaradeildinni er einn af þessum draumum sem maður hefur og ég væri til í að haka við á þessum fótboltaferli. Ég held að þetta sé minn besti möguleiki ef ég á að spila einhvern tímann í Meistaradeildinni,“ sagði Hannes. „Þetta er flott lið sem sló út FC Kaupmannahöfn í fyrra. Ég held að ég sé að fara upplifa umgjörð og annað slíkt á öðru stigi heldur en ég hef áður kynnst. Fótboltalega séð þá er þetta virkilega spennandi en þá þarf að skoða aðstæður, borgina og landið því ég er með fjölskyldu og börn,“ sagði Hannes og það gerði hann með konunni sinni. „Við fórum vel í gegnum þann pakka en allir sem maður spurði töluðu virkilega vel um þessa borg. Útlendingunum í Bakú líður rosalega vel þarna og vilja helst ekki fara. Hvar sem maður kemur niður fæti þá gefa allir þessu toppeinkunn. Við ákváðum að þetta væri nógu spennandi til þess að prófa þetta,“ sagði Hannes.Hannes Þór Halldórsson ver vítið frá Lionel Messi.Vísir/GettyLið sem lifir svolítið fyrir þessi Evrópukvöld Liðið hafði samband við Hannes eftir heimsmeistarakeppnina en verður Hannes aðalmarkvöður liðsins? „Eigum við ekki að reikna með því. Ég held að það sé pælingin,“ sagði Hannes í léttum tón. „Þetta er lið sem hefur dóminerað fótboltinn í landinu síðustu ár og hefur náð að skapa sér nafn í Evrópufótboltanum líka. Þegar þú ert einu sinni búinn að komast inn í Meistaradeildina þá auðveldar það þér að komast þangað aftur. Nú er liðið búið að vera þrisvar eða fjórum sinnum í Evrópudeildinni og svo í Meistaradeildinni í fyrra en auðvitað getur allt gerst,“ sagði Hannes. „Það var mikið afrek fyrir þetta félag að komast í Meistaradeildina en það er allavega búið að gerast einu sinni og það er von til þess að það gerist aftur. Þetta er lið sem lifir svolítið fyrir þessi Evrópukvöld. Það koma færri á deildarleikina en síðan koma 60 til 70 þúsund manns á Evrópukvöldin á Þjóðarleikvanginum og þar er svakalega stemmning,“ sagði Hannes „Fótboltalega séð er þetta virkilega spennandi og svo fyrir utan völlinn er þetta bara ævintýri. Við munum búa í borg þar sem er alltaf gott veður og búum á nýjum og framandi stað. Mér skilst samt að þessi borg sé mjög alþjóðlega og vestræn. Það á ekki að fara illa um okkur þarna,“ sagði Hannes.Hannes Þór Halldórsson.Vísir/GettyEinn í Aserbaídsjan fyrsta mánuðinn Hannes er enn að glíma við meiðsli sem hann varð fyrir á heimsmeistaramótinu í Rússlandi. Hannes spilar því ekki næsta leik liðsins en hann vonast til að spila sinn fyrsta leik með Qarabag eftir tvær vikur. „Deildin byrjar einhvern tímann í ágúst en þetta er bara að skella á með undankeppninni fyrir Meistaradeildina. Það er bara leikur í næstu viku. Ég get ekki spilað hann því ég er enn að kljást við smá meiðsli síðan á heimsmeistaramótinu. Það er vonir til að ég geti spilað leikinn eftir tvær vikur,“ sagði Hannes en hvað er næst á dagskrá? „Ég er á leiðinni til Íslands núna þar sem við höfum nokkra daga. Við förum síðan til Danmerkur og pökkum. Svo verð ég bara farinn eftir viku. Fjölskyldan verður aðeins lengur í Danmörku en þau ætla að koma í byrjun ágúst,“ sagði Hannes. Það má hlusta á allt viðtalið í spilaranum hér fyrir ofan.Vísir/GettyHannes Þór Halldórsson fagnar á HM. Ljósmyndararnir safnast í kringum hann.Vísir/Getty
HM 2018 í Rússlandi Meistaradeild Evrópu Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Fleiri fréttir Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Stjarnan - FH 3-4 | FH endurheimti annað sætið Sjá meira