Skotum hleypt af við höfuðstöðvar NSA

Skotum var hleypt af við inngang að höfuðstöðvum Þjóðaröryggisstofnunar Bandaríkjanna, NSA, í dag. Einn aðili mun vera særður og tveir hafa verið handteknir. Ekki liggur fyrir hvort að annar hinna handteknu hafi verið særður en svo virðist sem þir hafi reynt að aka sér leið í gegnum vegatálma við innganginn.

Talsmaður NSA segir tökum hafa verið náð á svæðinu. Samkvæmt frétt NBC er svartur jeppi við innganginn og voru skotgöt í framrúðu hans. Þá sjást tveir aðilar í járnum við bílinn.



Þrátt fyrir áberandi merkingar kemur fyrir að ökumenn enda fyrir slysni við inngang NSA. Árið 2015 dó 27 ára ökumaður þegar hann ók að höfuðstöðvunum fyrir slysni á stolnum bíl. Hann var skotinn til bana við vegatálma lögreglu.

#BREAKING: @Chopper4Brad over the scene of an apparent shooting at the entrance of the NSA. At least one suspect appears to be taken into custody. pic.twitter.com/ptMpwkubGE

— Tom Lynch (@TomLynch_) February 14, 2018