Lægðir á leiðinni

Samkvæmt upplýsingum frá Veðurstofunni er 990 mb lægð nú stödd skammt austur af Hvarfi og er hún á leið austur. Skil frá henni ganga upp á sunnavert landið með strekkings vind og snjókomu, og mögulega slyddu síðdegis.

Þegar að lægðin er komin austur fyrir land dýpkar hún talsvert, og snýst þá í norðaustan átt með éljum um landið norðanvert en það styttir upp á suðurhelmingi landsins. Þar sem að hún fjarlægist landið verður víðast hvar ekki hvassara en 13 m/s, en á Suðausturlandi austan Öræfajökuls verð vindur um 18 m/s síðdegis á morgun.

Frostið í dag verður yfirleitt á bilinu 3 til 13 stig og verður kaldast á norðausturhluta landsins. Svo gæti þó farið að hitinn verði um of yfir frostmarki sunnalands. Frostið á morgun verður þó í kringum 1 til 7 stig síðdegis.

Á fimmtudagskvöld er svo útlit fyrir að skil frá næstu lægð koma úr vestri, og gengur þá í hvassviðri eða storm með rigningu og hlýnar. Sú lægð mun svo stjórna veðrinu hér á landi fram á sunnudag.

Veðurhorfur á landinu næstu daga

Á miðvikudag:

Norðan 5-13 m/s en 13-18 suðaustan- og austanlands. Él um landið norðanvert, en bjartviðri sunnan heiða. Frost 0 til 8 stig, kaldast inn til landsins.

Á fimmtudag:

Norðlæg átt 8-13 m/s og dálítil él NA-lands, en annars hægari, bjartviðri og talsvert frost. Vaxandi suðaustanátt og þykknar upp síðdegis, fyrst suðvestantil. Hvassviðri eða stormur með snjókomu og síðar rigningu um kvöldið og hlýnar í veðri.

Á föstudag:

Ákveðin sunnan eða suðvestan átt. Víða rigning, en slydduél eða él er líður á daginn, einkum vestanlands. Hiti 0 til 5 stig, en fer kólnandi.

Á laugardag:

Norðanátt og él norðan heiða, en yfirleitt bjart á sunnanverðu landinu. Frost um allt land.

Á sunnudag:

Gengur í sunnan hvassviðri eða storm með rigningu sunnan- og vestanlands en úrkomulítið annarsstaðar. Hlýnandi veður.

Á mánudag:

Líkur á suðvestan stormi með talsverðum éljagangi en rofar til um landið austanvert. Kólnar í veðri.