Markmaðurinn sagði bara vá! | Myndband

Markmaður sem fékk á sig glæsilegt mark í skoska boltanum gat ekki annað en dáðst að markinu sem hann fékk á sig.

Markið glæsilega skoraði Scott McKenna fyrir Aberdeen gegn Kilmarnock um helgina. Sleggja af löngu færi sem söng í markinu.

Jamie McDonald, markvörður Kilmarnock, átti ekki möguleika í skotið og er hann stóð upp þá sagði hann bara „VÁ“. Hann trúði því varla að hann hefði fengið svona fallegt mark á sig. Stórkostleg viðbrögð.

Kári Árnason og félagar í Aberdeen unnu leikinn 3-1 og skoraði McKenna tvö mörk í leiknum.