Maradona lítur út eins og Susan Boyle á nýrri styttu

Ný stytta af Diego Maradona var afhjúpuð á góðgerðasamkomu á Kalkota á Indlandi í gær.

Styttan er reyndar ekkert sérstaklega lík argentínska snillingnum eins og sjá má í myndbandinu hér að neðan.

Gárungarnir hafa m.a. líkt styttunni við Larry Bird, Roy Hodgson og söngkonuna Susan Boyle sem sló í gegn í sjónvarpsþættinum Britain's Got Talent árið 2009.

Maradona virtist þó vera nokkuð sáttur við styttuna af sér.

„Ég er ekki fótboltaguð heldur bara venjulegur fótboltamaður. Það er frábært að fá styttu af mér hérna,“ sagði Maradona eftir að styttan var afhjúpuð.

One of these is a statue of Diego Maradona. pic.twitter.com/4KqgUGPjD8

— Steve Darrah(@Darrah88) December 11, 2017