Sjáðu öll mörk kvöldsins úr Meistaradeildinni

Lokaumferðin í riðlum A, B, C og D í Meistaradeildinni fór fram í kvöld og nú er hægt að sjá mörkin úr leikjunum hér á Vísi.

Manchester United, Paris Saint-Germain, Roma og Barcelona tryggðu sér öll sigur í sínum riðli en Basel, Bayern München, Chelsea og Juventus fylgja þeim í sextán liða úrslitin úr öðru sætinu.

Chelsea náði bara jafntefli á heimavelli og Roma tók því efsta sæti af enska liðinu á betri árangri í innbyrðisleikjum.

Manchester United lenti undir á heimavelli eins og Chelsea en United menn tryggðu sér sigur og efsta sæti riðilsins með tveimur mörkum með 66 sekúndna millibili í seinni hálfleiknum.

Liðin sem fara í Evrópudeildina úr þessum riðlum eru CSKA Moskva, Celtic, Atlético Madrid og Sporting CP.

Hér fyrir neðan má sjá öll úrslit kvöldsins sem og það helsta úr öllum leikjunum; mörkin, færin, rauðu spjöldin og annað fréttnæmt.

Úrslitin úr leikjum Meistaradeildarinnar í kvöld:

A-riðill:

Benfica - Basel    0-2

0-1 Mohamed Elyounoussi (5.), 0-2 Dimitri Oberlin (65.)

Manchester United - CSKA Moskva    2-1

0-1 Alan Dzagoev (45.), 1-1 Romelu Lukaku (64.), 2-1 Marcus Rashford (66.)

Liðin sem fara í 16 liða úrslit: Manchester United og Basel.

Liðið sem fer í 32 liða úrslit Evrópudeildarinnar: CSKA Moskva.



B-riðill:

Celtic - Anderlecht    0-1

0-1 Sjálfsmark Jozo Simunovic (62.)

Bayern München - Paris Saint-Germain    3-1

1-0 Robert Lewandowski (8.), 2-0 Corentin Tolisso (37.), 2-1 Kylian Mbappe (50.), 3-1 Corentin Tolisso (69.).

Liðin sem fara í 16 liða úrslit: Paris Saint-Germain og Bayern München.

Liðið sem fer í 32 liða úrslit Evrópudeildarinnar: Celtic.



C-riðill

Roma - Qarabag    1-0

1-0 Diego Perotti (53.)

Chelsea - Atlético Madrid    1-1

0-1 Saul Niguez (56.), 1-1 Sjálfsmark Stefan Savic (75.)

Liðin sem fara í 16 liða úrslit: Roma og Chelsea.

Liðið sem fer í 32 liða úrslit Evrópudeildarinnar: Atlético Madrid.



D-riðill

Olympiakos - Juventus    0-2

0-1 Juan Cuadrado (15.), 0-2 Federico Bernardeschi (90.)

Barcelona - Sporting CP    2-0

1-0 Paco Alcacer (59.), 2-0 Sjálfsmark Jérémy Mathieu (90.)

Liðin sem fara í 16 liða úrslit: Barcelona og Juventus.

Liðið sem fer í 32 liða úrslit Evrópudeildarinnar: Sporting CP.

Benfica - Basel 0-2

Man. United - CSKA Moskva 2-1

Bayern München - Paris Saint-Germain 3-1

Chelsea - Atlético de Madrid 1-1

Roma - Qarabag 1-0

Barcelona - Sporting CP 2-0

Olympiacos - Juventus 0-2

Celtic - Anderlecht 0-1