Markaveisla hjá Liverpool og fyrsta tap Manchester City | Úrslitin í Meistaradeildinni

Liverpool komst í kvöld í sextán liða úrslit Meistaradeildarinnar en þar hefur liðið ekki verið undanfarin níu ár.

Manchester City tapaði fyrsta leiknum sínum á tímabilinu þegar liðið lá 2-1 á móti Shakhtar Donetsk í Úkraínu en það breytti því þó ekki að lærisveinar Pep Guardiola unnu sinn riðil.

Tottenham vann líka sinn riðil en hálfgert varalið átti ekki í miklum vandræðum með Apoel frá Kýpur á Wembley í kvöld.

Shakhtar Donetsk tryggði sér sæti í sextán liða úrslitum á kostnað Napoli sem þarf að fara í Evrópudeildina. Napoli klúðraði sínum málum með því að tapa á móti Feyenoord þannig að Úkraínumennirnir hefðu alltaf farið áfram þótt þeir hefðu ekki unnið Manchester City.

Liverpool skoraði sjö mörk í stórsigri á Spartak Moskvu á Anfield en þrjú markanna komu á fyrstu nítján mínútum leiksins. Sevilla fylgir Liverpool í sextán liða úrslitin.

Liverpool, Manchester City, Besiktas og Tottenham fara í sextán liða úrslitin sem sigurvegarar sinna riðla en Sevilla, Shakhtar Donetsk, Porto og Real Madrid fylgja þeim úr öðru sætinu.

Spartak Moskva, Napoli, Leipzig og Dortmund fara öll í Evrópudeildina.

Hér fyrir neðan má sjá öll úrslit og alla markaskorara úr leikjum kvöldsins í Meistaradeildinni en þetta voru síðustu leikirnir í riðlakeppni Meistaradeildarinnar á þessu tímabili.

Úrslitin úr leikjum Meistaradeildarinnar í kvöld:

E-riðill:

Maribor - Sevilla    1-1

1-0 Marcos Tavares (10.), 1-1 Ganso (75.)

Liverpool - Spartak Moskva    7-0

1-0 Philippe Coutinho, víti (4.), 2-0 Philippe Coutinho (12.), 3-0 Roberto Firmino (19.), 4-0 Sadio Mané (47.), 5-0 Philippe Coutinho (50.), 6-0 Sadio Mané (76.), 7-0 Mohamed Salah (86.)

Liðin sem fara í 16 liða úrslit: Liverpool og Sevilla.

Liðið sem fer í 32 liða úrslit Evrópudeildarinnar: Spartak Moskva.

F-riðill:

Feyenoord - Napoli    2-1

0-1 Piotr Zielinski (2.), 1-1 Nicolai Jörgensen (33.), 2-1 Jerry St. Juste (90.).

Shakhtar Donetsk - Manchester City    2-1

1-0 Bernard (26.), 2-0 Ismaily (32.), 2-1 Sergio Agüero, víti (90.)

Liðin sem fara í 16 liða úrslit: Manchester City og Shakhtar Donetsk.

Liðið sem fer í 32 liða úrslit Evrópudeildarinnar: Napoli.

G-riðill:

Leipzig - Besiktas    1-2

0-1 Álvaro Negredo (10.), 1-1 Naby Keita (87.), 1-2 Anderson Talisca (90.)

Porto - Monaco    5-2

1-0 Vincent Aboubakar (9.), 2-0 Vincent Aboubakar (33.), 3-0 Yacine Brahimi (45.), 3-1 Kamil Glik (61.), 4-1 Alex Telles (65.), 4-2 Radamel Falcao (78.), 5-2 Tiquinho Soares (88.)

Liðin sem fara í 16 liða úrslit: Besiktas og Porto.

Liðið sem fer í 32 liða úrslit Evrópudeildarinnar: Leipzig.

H-riðill:

Real Madrid - Dortmund    3-2

1-0 Borja Mayoral (8.), 2-0 Cristiano Ronaldo (12.), 2-1 Pierre-Emerick Aubameyang (43.), 2-2 Pierre-Emerick Aubameyang (49.), 3-2 Lucas Vázquez (81.)

Tottenham - APOEL    3-0

1-0 Fernando Llorente (20.), 2-0 Heung-min Son (38.), 3-0 Georges N'Koudou (80.)

Liðin sem fara í 16 liða úrslit: Tottenham og Real Madrid.

Liðið sem fer í 32 liða úrslit Evrópudeildarinnar: Dortmund