Alfreð til Eyja

Alfreð Már Hjaltalín hefur skrifað undir þriggja ára samning við ÍBV.

Alfreð hefur verið í stóru hlutverki hjá Víkingi Ó. undanfarin ár. Hann hefur leikið 153 leiki fyrir Víking í deild og bikar og skorað 19 mörk. Á síðasta tímabili lék Alfreð alla 22 leiki Ólsara í Pepsi-deildinni.

Alfreð, sem er 23 ára, getur spilað bæði sem bakvörður og kantmaður.

Þá hefur íranski framherjinn Shahab Zahedi framlengt samning sinn við ÍBV.

Shabab kom sterkur inn í lið Eyjamanna á síðasta tímabili og skoraði fjögur mörk í níu deildarleikjum.