Ragnar Þór kjörinn formaður Kennarasambands Íslands

Ragnar Þór Pétursson hefur verið kjörinn formaður Kennarasambands Íslands en þrjú voru í framboði til formanns og hlaut Ragnar 56,3 prósent atkvæða. Atkvæði féllu þannig að því er fram kemur á heimasíðu KÍ:

•    Guðríður Arnardóttir hlaut 1.944 atkvæði eða 34,2%

•    Ólafur Loftsson hlaut 392 atkvæði eða 6,9%

•    Ragnar Þór Pétursson hlaut 3.205 atkvæði eða 56,3%

•    Auðir seðlar 150 eða 2,6%

Alls voru 10.675 á kjörskrá og greiddu 5.691 atkvæði eða 53,3 prósent.

 

„Atkvæðagreiðslan var rafræn; hún hófst klukkan 9:00 miðvikudaginn 1. nóvember og lauk klukkan 14.00 í dag.

Ragnar Þór tekur við formennsku af Þórði Árna Hjaltested á VII þingi Kennarasambandsins sem fram fer í apríl á næsta ári. Þórður lætur þá af embætti en hann hefur gegnt formennsku í KÍ frá árinu 2011. Eiríkur Jónsson var fyrsti formaður KÍ, sat frá árinu 2000 til 2011,“ segir á vef Kennarasambandsins.