Vill stöðva tíst Trump með fidget spinner-um

Tíst Donald Trump, forseta Bandaríkjanna, hafa lengi þótt umdeild. Jimmy Kimmel telur að hann hafi fundið lausn á „reiði-tístum“ Trump sem hann sendir iðulega frá sér snemma á morgnanna. Lausnin er í raun mjög einföld og felur í sér að senda fjölda fidget spinnera til forsetans. Bæði til Hvíta hússins og þangað sem Kimmel segir að sé „raunverulegt heimili Trump“, sveitaklúbbur hans í Flórída.

Kimmel gerir sér grein fyrir því að einhver börn eiga eftir að verða fyrir vonbrigðum, en það sé ekki hægt að komast hjá því.

„Fyrirgefið mér krakkar, en landið ykkar þarf á þeim að halda.“