Messi verður pirraður þegar hann fær ekki boltann

Fyrrum miðjumaður Barcelona, Xavi, þekkir Lionel Messi afar vel eftir að hafa spilað með honum lengi og unnið Meistaradeildina með honum fjórum sinnum.

Hann segir að Messi sé yfirhöfuð afar geðgóður en það sé bara eitt sem komi honum í vont skap.

„Messi verður að vera með í leiknum. Snerta boltann mikið. Ef hann fær ekki boltann í fimm mínútur þá verður hann pirraður,“ segir Xavi.

„Ef hann fær ekki boltann í nokkrar mínútur þá verður að koma honum þangað sem boltinn er. Hann verður að vera með í spilinu.“