Bein útsending: Tour of Reykjavik

Hjólreiðaviðburðurinn WOW Tour of Reykjavik verður haldinn í annað sinn um helgina. Í dag fer fram keppni á fyrri dagleiðinni, 125 kílómetra leið á Þingvelli og til baka um Grafning og Nesjavallaleið.

Sjá má beina útsendingu af keppninni hér fyrir neðan.

Keppendur í 125 kílómetrum voru ræstir af stað klukkan átta frá Laugardalshöll og eru fyrstu menn væntanlegir í mark um klukkan 11:20.

Einnig mun yngsta kynslóðin spreyta sig í leið um Laugardalinn sem kallast Áttan.

Börnin fara af stað frá Laugardalshöll klukkan 10.30 og hefur verið hægt að skrá þau á staðnum frá klukkan átta í morgum. Einnig verður hægt að skrá sig í 60 kílómetra og 20 kílómetra keppnina sem fer fram á sunnudag í Laugardalshöllinni í dag frá sjö til tólf.

Reikna má með truflun á umferð í dag vegna keppninnar. Það verður þó aðallega utan borgarmarkanna, á Vesturlandsvegi og Þingvallavegi milli klukkan átta og tíu og aðreinum inná Suðurlandsveg og Vesturlandsveg milli ellefu og 12.30.

Þá verða Grafningsvegur og Nesjavallarvegur alveg lokaðir vegna keppninnar frá klukkan tíu og tólf.