Breiðablik hefur fengið miðvörðinn Michee Efete frá Norwich að láni en þetta kemur fram á heimasíðu Blika.
Efete er sagður á „tímabundnu láni“ en Kópavogsliðið er að bíða eftir því að fá Elfar Frey Helgason aftur úr láni frá Horsens í Danörku. Það gerist ekki fyrr en um miðjan júlí.
Efete er tvítugur og hefur verið einn af aðalmönnunum hjá varaliði Norwich. Hann er bæði með enskan og kóngóskan ríkisborgararétt og á að baki U21 árs landsleiki fyrir Kongó.
Hann getur bæði spilað sem miðvörður og bakvörður bæði hægra og vinstra megin.
Efete kemur til Blikaliðsins sem er nú þjálfaralaust eftir að Arnar Grétarsson var rekinn fyrr í dag á nýju Íslandsmeti.
