Kevin Durant góður í endurkomuleiknum

Golden State Warriors vann góðan sigur á New Orleans Pelicans, 123-101, í NBA-deildinni í nótt. Það sem gerði sigur Warriors merkilegan var að Kevin Durant snéri til baka eftir erfið meiðsli.

Hann meiddist á hné í febrúar og var talið að hann yrði jafnvel frá í nokkra mánuði.

Hann mætti til leiks í nótt og skoraði 16 stig, tók 10 fráköst og gaf sex stoðsendingar.

Miami Heat vann óvæntan sigur á Washington Wizards, 106-103 og Brooklyn Nets náði einnig í óvæntan sigur gegn Chicago Bulls 107-106.

Hér að neðan má sjá úrslit næturinnar:

Washington Wizards – Miami Heat 103-106

San Antonio Spurs – Los Angeles Clippers 87-98

Portland Trail Blazers – Utah Jazz 101-86

Golden State Warriors – New Orleans Pelicans 123-101

Brooklyn Nets – Chicago Bulls 107-106

Charlotte Hornets – Boston Celtics 114-121

Orlando Magic – Indiana Pacers 112-127

Philadelphia 76ers – Milwaukee Bucks 82-90