Landshópur Kósovó: Enginn Pepa en þrír nýir framherjar

Avni Pepa, fyrirliði ÍBV, var ekki valinn í landsliðshóp Kósovó fyrir leikinn gegn Íslandi í undankeppni HM 2018 á föstudaginn.

Pepa hefur hingað til verið í hópnum í undankeppninni og leikið einn leik. Hann hefur alls leikið sex landsleiki.

Albert Bunjaki, þjálfari Kósovó, valdi þrjá nýja framherja í hópinn; Besart Berisha, Donis Avdijaj og Atdhe Nuhiu. Berisha leikur með Melbourne Victory í Ástralíu, Avdijaj er á mála hjá Schalke 04 og Nuhiu leikur með Sheffield Wednesday.

Berisha lék á sínum tíma 17 landsleiki fyrir Albaníu og skoraði eitt mark. Þessi 31 árs gamli leikmaður hefur spilað í Ástralíu undanfarin ár og verið duglegur að skora.

Avdijaj, sem er tvítugur, er uppalinn hjá Schalke en gerði ágætis hluti sem lánsmaður hjá Sturm Graz þar sem hann skoraði 13 mörk í 45 leikjum. Avdijaj lék með yngri landsliðum Þýskalands og skoraði m.a. 10 mörk í 13 leikjum fyrir þýska U-17 ára landsliðið.

Nuhiu, sem er 197 cm á hæð, lék með yngri landsliðum Austurríkis á sínum tíma. Nuhiu hefur ekki enn skorað í ensku B-deildinni í vetur en miðvikudagsfélagið keypti hann af Rapid Vín 2013.

Lið Kósovó er mjög ungt en aðeins þrír leikmenn af 23 eru eldri en 27 ára.

Kósovó er í sjötta og neðsta sæti I-riðils með eitt stig eftir fjóra leiki. Markatala liðsins er 1-12. Ísland er í 3. sætinu með sjö stig.

Landsliðshópur Kósovo er þannig skipaður:

Markverðir:

Samir Ujkani, Pisa

Adis Nurković, Travnik

Bledar Hajdini, Trepça

Varnarmenn:

Fanol Përdedaj, 1860 Munich

Leart Paqarada, Sandhausen

Alban Pnishi, Grasshopper

Amir Rrahman, Lokomotiva

Benjamin Kololli, Lausanne-Sport

Fidan Aliti, Slaven Belupo

Mërgim Vojvoda, Mouscron

Ardian Ismajli, Hajduk Split

Miðjumenn:

Bernard Berisha, Terek Grozny

Valon Berisha, Red Bull Salzburg

Bersant Celina, Twente

Milot Rashica, Vitesse

Herolind Shala, Kasımpaşa

Arber Zeneli, Heerenveen

Hekuran Kryeziu, Luzern

Framherjar:

Vedat Muriqi, Gençlerbirliği

Elba Rashani, Rosenborg

Besart Berisha, Melbourne Victory

Atdhe Nuhiu, Sheffield Wednesday

Donis Avdijaj, Schalke 04