Meistararnir rétt sluppu á­fram

Parísarliðið vann því einvígið 5-4 samanlagt eftir að hafa unnið fyrri leikin 3-2 í Frakklandi.

Mónakó tók forystuna í seinni leiknum með yfirveguðu marki frá Maghnes Akliouche seint í fyrri hálfleik, en leikurinn snerist algjörlega við þegar Mamadou Coulibaly fékk rautt spjald fyrir tvær áminningar með stuttu millibili rétt fyrir klukkustundar leik.

Marquinhos jafnaði metin aðeins mínútu eftir brottvísunina með marki af stuttu færi, áður en Khvicha Kvaratskhelia fylgdi eftir frákasti og veitti Parísarliðinu tveggja marka forskot samanlagt.

Þaðan í frá virtist sigurinn í höfn en varamaðurinn Jordan Teze var á öðru máli þegar hann skoraði í uppbótartíma og tryggði spennuþrungnar síðustu sextíu sekúndur eða svo, þar sem Wout Faes klúðraði tækifæri til að jafna metin með skalla.