Ólafía Þórunn á einu höggi yfir pari eftir fyrsta hring Kristinn Páll Teitsson skrifar 24. mars 2017 02:00 Ólafía Þórunn horfir hér á eftir höggi á LPGA-mótaröðinni. vísir/getty Ólafía Þórunn Kristinsdóttir, kylfingur úr GR, er á einu höggi yfir pari eftir fyrsta hring Kia Classic mótsins á LPGA-mótaröðinni en Ólafía fékk tvo fugla og þrjá skolla á hringnum og er þegar þetta er skrifað í 65. sæti. Fer mótið fram í Carlsbad í Kaliforníuríki í Bandaríkjunum en góður árangur á þessu móti gæti tryggt Ólafíu þátttökurétt á fyrsta risamóti ársins um næstu helgi. Ólafía fór vel af stað en tveir skollar á seinustu tveimur holunum gerðu það að verkum að hún er yfir pari eftir fyrsta hring. Kom Ólafía inn í mótið eftir að hafa misst af niðurskurðinum í Arizona helgina áður en þá kostuðu mistök á lokaholum annars hringsins hana á endanum þátttökuréttinn það sem eftir lifði móts. Sá hringur virtist eitthvað sitja í henni á fyrstu holu en innáhöggið hitti ekki flötina eftir gott upphafshögg. Neyddist hún því að reyna að bjarga parinu með góðu þriðja höggi en tvípútt kostaði hana högg strax á fyrstu holu. Þrátt fyrir mistök fyrstu brautar lét Ólafía tapaða höggið ekki trufla sig og fékk hún fimm pör í röð þar til kom að fyrsta fugli dagsins á sjöundu braut. Var hún að hitta flatirnar vel og að koma sér í fuglafæri en var þó alltaf með örugg pör. Lék hún næstu tvær holur eftir það á pari og var hún því á pari eftir fyrri níu holurnar en hún fylgdi því eftir með pari á næstu fjórum holum en aðeins einu sinni neyddist hún til að bjarga parinu eftir að hafa misst af flötinni í innáhöggi. Á fjórtándu braut fékk Ólafía síðan annan fugl sinn á par 3 holu sem liggur töluvert niður í móti en gott upphafshögg hennar stillti fullkomnlega upp fyrir fuglapúttið. Því fylgdu tvö pör í röð áður en hún tapaði höggi á lengstu holu vallarins, sautjándu braut sem er par fimm hola. Eftir að hafa misst af brautinni í upphafshögginu og flötinni í þriðja högginu tvípúttaði hún fyrir skollanum og var því komin á par á ný. Á átjándu braut komst Ólafía inn á flötina í öðru höggi líkt og oft áður á hringnum í dag en fyrsta þrípútt dagsins reyndist henni dýrkeypt og fékk hún því skolla aðra holuna í röð og lauk hringnum á einu höggi yfir pari. Ólafía leikur annan hringinn á morgun í Kaliforníu en eins og staðan er núna er hún við niðurskurðarlínuna þegar kemur að því eftir tvo hringi. Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Þegar þeir misstíga sig þá misstígum við okkur líka“ Fótbolti „Menn eru að henda sér fyrir bolta og hlaupa úr sér lungun“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Ólafía Þórunn Kristinsdóttir, kylfingur úr GR, er á einu höggi yfir pari eftir fyrsta hring Kia Classic mótsins á LPGA-mótaröðinni en Ólafía fékk tvo fugla og þrjá skolla á hringnum og er þegar þetta er skrifað í 65. sæti. Fer mótið fram í Carlsbad í Kaliforníuríki í Bandaríkjunum en góður árangur á þessu móti gæti tryggt Ólafíu þátttökurétt á fyrsta risamóti ársins um næstu helgi. Ólafía fór vel af stað en tveir skollar á seinustu tveimur holunum gerðu það að verkum að hún er yfir pari eftir fyrsta hring. Kom Ólafía inn í mótið eftir að hafa misst af niðurskurðinum í Arizona helgina áður en þá kostuðu mistök á lokaholum annars hringsins hana á endanum þátttökuréttinn það sem eftir lifði móts. Sá hringur virtist eitthvað sitja í henni á fyrstu holu en innáhöggið hitti ekki flötina eftir gott upphafshögg. Neyddist hún því að reyna að bjarga parinu með góðu þriðja höggi en tvípútt kostaði hana högg strax á fyrstu holu. Þrátt fyrir mistök fyrstu brautar lét Ólafía tapaða höggið ekki trufla sig og fékk hún fimm pör í röð þar til kom að fyrsta fugli dagsins á sjöundu braut. Var hún að hitta flatirnar vel og að koma sér í fuglafæri en var þó alltaf með örugg pör. Lék hún næstu tvær holur eftir það á pari og var hún því á pari eftir fyrri níu holurnar en hún fylgdi því eftir með pari á næstu fjórum holum en aðeins einu sinni neyddist hún til að bjarga parinu eftir að hafa misst af flötinni í innáhöggi. Á fjórtándu braut fékk Ólafía síðan annan fugl sinn á par 3 holu sem liggur töluvert niður í móti en gott upphafshögg hennar stillti fullkomnlega upp fyrir fuglapúttið. Því fylgdu tvö pör í röð áður en hún tapaði höggi á lengstu holu vallarins, sautjándu braut sem er par fimm hola. Eftir að hafa misst af brautinni í upphafshögginu og flötinni í þriðja högginu tvípúttaði hún fyrir skollanum og var því komin á par á ný. Á átjándu braut komst Ólafía inn á flötina í öðru höggi líkt og oft áður á hringnum í dag en fyrsta þrípútt dagsins reyndist henni dýrkeypt og fékk hún því skolla aðra holuna í röð og lauk hringnum á einu höggi yfir pari. Ólafía leikur annan hringinn á morgun í Kaliforníu en eins og staðan er núna er hún við niðurskurðarlínuna þegar kemur að því eftir tvo hringi.
Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Þegar þeir misstíga sig þá misstígum við okkur líka“ Fótbolti „Menn eru að henda sér fyrir bolta og hlaupa úr sér lungun“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira