Golden State tapaði óvænt gegn Úlfunum

Átta leikir fóru fram í NBA-deildinni í körfuknattleik í nótt og ber þar helst að nefna frábæran sigur Minnesota Timberwolves á Golden State Warriors, 103-102, í æsispennandi leik.

Andrew Wiggins skoraði 24 stig fyrir Úlfana í leiknum og Ricky Rubio var með 17 stig og 13 stoðsendingar. Hjá Warriors skoraði var Klay Thompson stigahæstur með 30 stig.

Charlotte Hornets vann fjörutíu stiga sigur á Orlando Magic, 121-81, og átti Magic aldrei möguleika í leiknum. Kemba Walker var atkvæðamestur í liði Hornets með 23 stig en stigaskorið dreifðist töluvert á milli leikmenna.

Þá vann Houston Rockets öruggan sigur á Chicago Bulls, 115-94.

Hér að neðan má sjá öll úrslit næturinnar:

Atlanta Hawks - Toronto Raptors - 105-99 

Denver Nuggets - Boston Celtics - 119-99 

Dallas Mavericks - Brooklyn Nets - 105-96 

Sacramento Kings - Washington Wizards - 122-130 

Charlotte Hornets - Orlando Magic - 121-81 

Chicago Bulls - Houston Rockets - 94-115 

Milwaukee Bucks - Indiana Pacers - 99-85 

Minnesota Timberwolves - Golden State Warriors - 103-102