Warriors aftur á sigurbraut

Stephen Curry er kominn í tíunda sætið á lista yfir þá leikmenn sem hafa skorað flestar þriggja stiga körfur í sögu NBA-deildarinnar.

Hann hitti úr 5 af 11 skotum sínum gegn NY Knicks í nótt. Warriors vann leikinn og komst aftur á sigurbraut eftir að hafa tapað tveimur leikjum í röð. Það hafði ekki gerst áður í vetur.

Þetta var ekki eins gott kvöld hjá Russell Westbrook, leikmanni Oklahoma, sem skoraði hvorki í öðrum né fjórða leikhluta í nótt er Thunder steinlá gegn Dallas.

Það var drama er Utah marði sigur á Sacramento með sigurkörfu Gobert sem þurfti að skoða hvort hefði farið ofan í áður en leiktíminn rann út.

Úrslit:

Atlanta-Indiana  96-97

NY Knicks-Golden State  105-112

Phoenix-Boston  109-106

Washington-Orlando  115-114

Sacramento-Utah  109-110

Dallas-Oklahoma  104-89

LA Lakers-New Orleans  97-105

Staðan í NBA-deildinni.