Kósovó má nota tvo fyrrum albanska landsliðsmenn á móti Íslandi

Kósovar, sem eru með okkur Íslendingum í riðli, halda áfram að „veiða“ sér nýja landsliðsmanna fyrir baráttuna í undankeppni HM 2018.

Nú síðast fengu þeir leyfi frá FIFA til að nota framherjann Besart Berisha og varnarmanninn Mergim Vojvoda í næstu leikjum Kósovó í riðlinum.

Kósóvó mætir Tyrklandi um helgina en tekur svo á móti íslenska landsliðinu í mars. Sá leikur fer reyndar fram í Albaníu af öryggisástæðum.

Besart Berisha er 31 árs og spilar þessa dagana með ástralska félaginu Melbourne Victory. Hann lék á sínum tíma 17 landsleiki fyrir Albaníu og skoraði í þeim eitt mark.

Mergim Vojvoda er 21 árs varnarmaður belgíska félagsins Mouscron en hann á að baki sjö leiki fyrir 21 árs landslið Albaníu en þann síðasta af þeim lék hann fyrr á þessu ári.

Kósovó tekur nú þá í sinni fyrstu undankeppni en liðið hefur eitt stig eftir þrjá fyrstu leiki sína. Það kom í 1-1 jafntefli á móti Finnlandi í fyrsta leik en síðan hefur liðið tapaði 6-0 fyrir Króatíu og 3-0 fyrir Úkraínu.

Eina mark Kósovó í riðlinum til þessa skoraði miðjumaðurinn Valon Berisha sem lék 20 landsleiki fyrir Norðmenn á árunum 2012 til 2016. Hann er einn af leikmönnunum sem tengsl við Kósovó sem knattspyrnusamband Kósovó hefur fengið leyfi frá FIFA til að nota sem landsliði þjóðarinnar.