Stefán tekur við Haukaliðinu

Stefán Gíslason, fyrrum landsliðsmaður, var í dag ráðinn þjálfari karlaliðs Hauka í knattspyrnu.

Stefán tekur við liðinu af Luka Kostic og Þórhalli Dan Jóhannssyni. Kjartan Stefánsson mun halda áfram að þjálfa kvennalið Hauka.

Stefán lauk UEFA A þjálfaragráðunni hjá KSÍ í vor og hellir sér nú í þjálfun af fullum krafti.

Stefán hóf atvinnumennskuferilinn í Englandi 16 ára gamall og þá hefur hann spilað í Noregi, Danmörku, Austurríki og Belgíu. Stefán hefur spilað með öllum yngri landsliðum Íslands og á rétt rúma 30 A-landsleiki fyrir Ísland.