Emil spilaði í skell gegn Roma

Emil Hallfreðsson spilaði allan leikinn fyrir Udinese sem tapaði 4-0 fyrir Roma í fyrstu umferð ítölsku úrvalsdeildarinnar í dag.

Ekkert mark var skorað í fyrri hálfleik, en Diego Perotti kom Roma yfir af vítapunktinum á 65. mínútu.

Ellefu mínútum síðar skoraði Perotti aftur og aftur var það úr vítaspyrnu, en Edin Dzeko skoraði þriðja markið sjö mínútum fyrir leikslok.

Mohamed Salah rak svo síðasta naglann í líkkistu Udinese mínútu síðar og lokatölur 4-0 sigur Roma.

Roma því komið á blað í ítölsku úrvalsdeildinni þetta árið, en Emil og félagar án stiga.