Durant ætlar með til Ríó

Það var ekki endilega búist við því að Kevin Durant myndi gefa kost á sér í bandaríska landsliðið fyrir ÓL í Ríó en hann ætlar samt að fara.

Durant verður í samningaviðræðum í allt sumar og verður að mörgu að huga hjá honum þar.

„Ég er gríðarlega spenntur fyrir Ólympíuleikunum,“ sagði Durant er hann greindi frá ákvörðun sinni á sama tíma og hann kynnti nýja skó með sínu nafni.

Þeir sem ætla ekki að vera með í Ríó eru Stephen Curry, James Harden, Russell Westbrook og Anthony Davis.